Despues di casi 1 luna fugitivo, ekipo di polis a logra di pone man riba e homber fugitivo Minguel Schneiders, kende a scapa di warda di polis na Santa Cruz. Hunto cu Schneiders a detene un otro homber tambe di inicial N.H., kende segun informacion no confirma, lo ta ruman di Schneiders.
Adhunto e comunicado oficial di Cuerpo Policial:
Un rato pasa team di recherche di Santa Cruz a detene e fugitivo: Erick Arturo Minguel Junior SCHNEIDERS, roepnaam “Miguel”, naci na Aruba 29 december 1994 hunto cu e homber di inicialnan N.H (aparentemente un ruman) na un cas na Urataka. Awor aki nan a wordo translada pa warda di Polis caminda investigacion ta continua. Nos mester bisa tremendo trabou di recherche y diferente otro teamnan cu tambe a yuda den e investigacion.
