Desconoci a susha auto di Comisario di Polis na su cas

Diabierna atardi a sali den noticia cu e comisario di Polis a topa cu un pickup  transportando 8 hende na un forma peligroso y claro como un Polis cu mira iregularidad, ta actua di biaha.

Sra. Trudy a bira bek y dal su sirena y para e vehiculo y pidiendo yudansa di un patruya. Durante e control shete hende tabata di barco y tabatin nan carnet cu nan a sali un rato for di e tereno di waf di  Barcadera, y un di e personanan no tabatin documento mes. E homber a admiti cu e ta ilegal for di juli 2015. E pickup no tabatin su documentonan y Sra. Hassel a duna e doño un chens pa core busca e documentonan sino e ta confisca e vehiculo. Aki e doño di e pickup a haya un chens y a trece su papelnan y asina e comisario a laga e persona bay cu su auto.

Diadomingo ta habri y Sra. Hassel a sali for di su cas pa bay na su auto y haya cu e dienst auto di Polis y un auto personal di dje a wordo susha cu webo. Ta mustra cu persona kier atacha e trabou di e comisario cu e ta haciendo, pero ta mustra den direccion di un persona local cu e comisario ta pensa cu tabata presente e diabierna na Cas Paloma unda el a para e auto cu e personalnan stranhero pa un control. Esaki ta mustra cu un persona ta buscando guera friu cu e comisario door di bin haci sorto di actonan aki.

Sra. Hassel ta un di e poco Polisnan halto cu no solamente ta traha den oficina pero ora e ta riba caya y mira algo cu no ta cuadra ta actua, pasobra ta p’esey el a huramenta pa sirbi pa comunidad.