DIP (Departamento di Infrastructura y Planificacion) a menciona nan idea pa, y peticion pa area di San Nicolas; algun luga cu ta mira cu tin potencial pa desaroyo cu lo kier y por tuma luga asina den futuro.

Haime Croes, Director di DIP, a amplia tocante nan vision cu San Nicolas mester bira pa Aruba ‘riba un nivel macro’ caminda nan kier enfoca riba cultura, turismo y tambe agrega e City Science Park (parke di sciencia).

A base di e tres enfoke, nan departamento a bay hinca tur idea den San Nicolas. E plan ta pa actividad potencial economico, cu tambe tin di wak si e ta haalbaar, pa hinca e parti economico.

Esey ta e luga cu potencialmente a desaroya ora cu bo tin den plan pa asina bay den e di dos fase. E detaye di e plan por cambia y mester ta uno flexibel a base di cantidad di placa cu nan desaroya.

E ta gradici cu tur stakeholders, gobierno y San Nicolas Business Association cu a duna ideanan pa nan por tin un plan. “E importante cu nos no mag lubida cu esaki ta e parti cu a wak San Nicolas ta categorisa manera e industria cu parti positivo, pasobra asina turismo por bishita den diferente aspecto.”

Nan a pone algun punto di importancia, manera na unda nan por traha cas, of e aspecto cultural y turistico; tampoco a lubida Parke Arikok. El a bisa cu turismo, den tur aspecto, ta importante pa locual ta trata San Nicolas.

Tambe tene na cuento cu algun proyecto cu tabata anunciando caba cu mas compleho di cas na diferente bario. Nan tin cu wak cua ta e parti cu tin posibilidad pa traha un cas. Un area cu nan wak ta Seroe Colorado, cu nan a cuminsa pone caba.

Nan ta mira cu nan kier bay pa proyecto di cas mas moderno y innovativo, caminda nan por mira cu ‘preferiblemente ta bay halto’. E parti moderno cu nan kier intorduci ta den dos aspecto unda ta bay cera e parti turismo manera a anuncia e prokecto di Three Rivers den combinacion cu tur luga di cas pa e calidad.

“Nos ta mirando algun parti manera Savaneta cu tin un parti di turismo di clase. Tin cu mira proyecto cu hotel bunita ta trece dimension. Importante pa nos no sali di e parti cultural cu ta hunga un rol importante”, Croes a bisa.

Croes a sigui splica tocante e planifacion di desaroyo di waterfront y e posibel Fast Ferry cu tambe ta den plan di desaroyo. Aruba Port Authority su idea di lansa esaki y cu nan ta mira diferente tipo di barco, moderno y innovativo.

E siguiente fase ta esun di ‘high tech city park.’ Segun Croes, San Nicolas tin diferente luga manera IPA, Imsam, scol di arte y otro locacion cu parti activo, y por agrega na crea un science park manera na Merca tin un Silicon Valley.

Nan ta haya peticion pa tin edificio caminda hende por haci uso di un Science Park pa nan por ‘boost nan mes den les y den e parti educativo’ cu ta importante pa nan departamento. “Nos ta mira cu tin un waf cu posibilidad pa educacion pa haci e parti pa economia cu ta locual kier pa San Nicolas.”

Nan ta bay e parti industrial nan a pensa tambe riba un ‘energy park’ un parke di energia. Un parke di wind molen y solar unda nan ta mira e tereno di rafineria. Den area di Zeewijk a pensa pa pone e Science Park pa e bira realistico pa Aruba y asina diversifica economia.

Croes a menciona cu no mag lubida cu San Nicolas ta keda un luga cu por haci deporte. Den aspecto ey, a pensa pa locual ta trata piscamento, actividad cu por haci esey, den e deporte di awa manera moto sport ‘sin lubida kitesurf y windsurf’cu ta birando importante pa Aruba, tambe area di Palo Marga.

Sinembargo Croes a bisa cu ideanan ta pensa pa desaroyo di futuro pa locual ta trata San Nicolas. Tambe nan ta pensa riba e infrastructura pa e caminda di Serie Colorado por ta mas accesibel.

Un parke pa hende por cana banda di Carnaval Village. “Nos ta pensa si por logra tur esaki den contexto cu inversionista por bin y mustra posibilidad pa crea desaroyo sostenibel basa riba ROPV cu bon planificacion y basa riba aspecto financiero di futuro”, Croes a splica.