Presidente Donald Trump a bisa cu e no ta preocupa su mes cu e reciente prueba di misil cu Nort Korea a haci. E ta pensa cu nan no a viola e conseho di siguridad di Nacionnan Uni. E posicion aki ta trece un desacuerdo cu prome ministro di Hapon, Shinzo Abe.
E bishita tabata diseña pa resalta aliansa entre Merca y Hapon, y mustra e calidad di relacion entre ambos lider. Nan a delibera riba tema economico, incluyendo comercio cu Iran.
Recientemente e prueba di lansamento di misil di Nort Korea a surgi como un area di desacuerdo durante un conferencia di prensa. Ora nan a puntra Trump si e tabata rabia pa motibo di esey, e personalmente ta bisa cu e no ta.
Hapon a expresa durante hopi tempo nan preocupacion pa misil, cu por representa un menasa pa e siguridad di e nacion. Trump ta sigui cu speransa di por convence lider Nort Koreano, Kim Jong Un, pa e acepta di renuncia na su armamento nuclear y misilnan balistico.
Trump ta elogia Kim y ta bisa cu e ta un ‘homber inteligente’, cu e por a tira misil na cuminsamento di luna pa yama atencion. “Paz y stabilidad di Medio Oriente ta hopi importante pa Hapon y pa Merca. Tambe pa comunidad internacional en general”, Abe a bisa.
Abe lo bishita Iran proximo luna. Trump tambe a bisa cu su unico obhetivo ta evita cu e pais obtene arma nuclear. “Nos no ta buscando un cambio di regimen, mi kier laga esey cla.”
