ORANJESTAD – Durante fin di siman a tuma luga diferente evento di deporte cual Aruba Bank a patrocina.
Aruba Amateur Weightlifting Association a organisa e campeonato Sur Centro Americano y del Caribe Masters Aruba 2019. Esunnan miho den e competencia aki a bin hunto pa midi forsa y mira ken ta e miho den nan categoria. Aruba Bank ta contento di mira con e deporte di hisamento di peso ta creciendo. Tambe ta felicita e federacion di Aruba Amateur Weightlifting Association pe bon trabou cu nan ta haciendo.
Stichting Impact Taekwondo a organisa nan 1st Ultimate Cup Tournament. Diferente scol di taekwondo a participa na e torneo. Aruba Bank a kere desde un principio den e torneo aki y no a duda den sostene.
The Next Generation (TNG) a organisa nan competencia di fitness, atrayendo esunnan miho den fitness pa competi. Meta di e competencia tabata pa recauda fondo pa Crossfit Athletes.
E competencia tabata di un (1) dia, pero cu tres (3) diferente “workout” pe participantenan. Tanto atletanan masculino como femenino a competi den e division di “RX” y “scaled division”. E competencia tabata fuerte y cada participante a duna lo maximo pa logra miho rendimento.
Deporte den cuadro di nos CSR (Corporate Social Responsibility) ta un factor clave cu Aruba Bank ta enfoca ariba dje pa conscientisa nos comunidad di su importancia pa nos bienestar fisico y mental. Pa e motibo aki Aruba Bank ta yuda sostene y promove ekiponan y gruponan deportivo den nos comunidad.
