Departamentonan di cuido intensivo ta cerando mas frecuente debi na demasiado pashent

(NLTimes)—cambernan di emergencia na hospital ta cerando temporalmente mas frecuente y pa periodo mas largo. E presion riba e unidadnan di cuido intensivo ta asina halto, cu hopi biaha e departamentonan di cuido di emergencia mester pone un paro temporal riba ricibimento di pashent. E departamentonan di cuido di emergencia a cera pa un averahe di aproximadamente 40 ora den e prome kwartier di e aña aki compara cu e 35 ora cera aña pasa, segun un analisis di ANP riba estadisticonan provee pa e red di cuido emergente nacional, LNAZ.

E departamentonan di cuido di emergencia a ser cera mas frecuente den e regionnan di Noord-Nederlands-Groningen y Friesland-Drenthe. E departamentonan den e areanan aki a cera pa un averahe di 107 ora den e prome kwartier. Brabant a mustra un miho operacion den e aspecto aki, cu un averahe di solamente tres ora.

David Baden, dokter di emergencia y presidente di e Nederlandse Vereniging van Spoedeisende Hulp Artsen, a bisa cu e aumento den departamentonan cerando ta un mal señal. “E ta mustra cu e presion riba cuido intenso ta aumentando. Un departamento cerando ta e ultimo stap pa un sistema yen; bo ta dicidi solamente pa cera ora no tin mas opcion. Demasiado pashent tambe ta resulta den un caida den calidad relacionando na e cuido duna.”

Sinembargo, Baden ta di acuerdo cu pa cera e departamento ta, tin biaha, e cos corecto pa haci. E ta pensa cu esaki ta resulta den miho cuido pa otro pashent. Segun LNAZ, presion excesivo riba cuido intenso ta debi na e poblacion embeheciendo y e aumento den adultonan mayor vulnerable. E deficit den empleado den e industria di cuido tambe ta hunga un rol. E cantidad di hende cu problemanan di salud complica ta aumentando, pero e cantidad di empleadonan den cuido medico no ta creciendo cune.

Baden ta pensa cu e deficitnan den cuido na cas y asistencia tambe ta hunga un rol, como cu pashentnan ta keda den hospital pa mas largo cu ta necesario, cual ta influencia e capacidad pa ricibi pashent. LNAZ ta pensa cu e solucion ta keda den haci e sector di cuido “future-proof.” Baden tambe ta apela pa inversion den dokternan y e salud di e poblacion.

Un departamento cerando no ta nifica cu tur pashent ta ser nenga entrada. Un pashent por ser acepta aden si e hospital conoce e pashent of den un emergencia. Otro pashent ta ser manda na otro hospital. Esaki a sosode en averahe binti biaha pa cada departamento di emergencia den e prome lunanan di e aña aki.