ORANJESTAD – E conseho di biahe (reisadvies) pa Venezuela ta ser adapta continuamente, y vigente awe ainda 4 di februari 2019. En conexion cu yamadanan relaciona cu demostracionnan diario den diferente parti di e pais, Departamento di Relacionnan Exterior ta duna e siguiente conseho.
E demostracionnan aki lo por hiba na confrontacion y violencia. Nos ta conseha tur persona cu nacionalidad Hulandes pa evita e demostracionnan aki.
Cada persona ta keda responsabel pa nan mes siguridad den exterior, y nan decision si nan kier keda den un pais. Nos ta keda conseha na un y tur pa no biaha pa Venezuela, of hospeda den dicho pais, si no ta estrictamente necesario. E escogencia aki ta keda un decision di cada ken pa nan mes y/of famia. No ta descarta cu e situacion na Venezuela lo sigui deteriora.
Nos kier pidi un y tur cu conoce un persona cu nacionalidad Hulandes, pa conseha nan registra nan mes na e embahada di Reino Hulandes na Caracas, via e servicio di informacion: https://informatieservice.nederlandwereldwijd.nl/)
Pa un bon preparacion den un caso di emergencia den exterior, ta consehabel pa referi na e siguiente checklist: (https://www.nederlandwereldwijd.nl/reizen/checklist-voorbereiding-op-een-noodsituatie-in-het-buitenland
