Te cu aworaki no tin cifra di cuanto persona a entrega nan formulario di inkomstenbelasting cual e fecha final tabata 1 di december. Aworaki ta den e proceso di registracion unda cu ta registra tur esunnan cu a drenta. Y tambe registra e fecha di entregamento pa asina e personanan aki no haya nan mes cu un aanmaning despues. Esaki segun Meverly Romano vocero di Departamento di Impuesto
Despues di esaki lo haya un bista di cuanto e total ta y despues di e total ey ta cuminsa prepara pa procesa e aanmaning nan. Esaki ta un recordatorio caminda cu e clientenan cu no a entrega nan formulario di Inkomstenbelasting ta haya ainda 10 dia pa nan completa nan declaracion y asina entrega esaki mesora. Si e aanmanning sali y e cliente no worry pa entrega su declaracion, e ora e cliente por spera cu ora inspector di belasting bay procesa su cobransa, e por sali cu e tin un boet pa paga di minimo 250 florin y maximo 10 mil florin (depende e suma di belasting cu e cliente mester paga), Sra. Romano a conclui.
