Departamento di Impuesto druk cu cliente entregando declaracion di inkomstenbelasing

ORANJESTAD – Mayan ta e ultimo dia cu por haci entrega di inkomstenbelasting of peticion pa prolongacion. Por entrega esaki na Departamento di impuesto na Camacuri of na Oficina di gobierno na San Nicolas. Ainda no tin informacion di cuanto persona a keda sin entrega nan declaracion, sinembargo ta 40 mil formulario a wordo saca. Basa riba añanan anterior entre 3000 cu 5000 sa yena peticion pa prolongacion pa entrega e declaracion, segun vocero di Departamento di Impuesto Meverly Romano. Nos reportero a bay na ambos localidad unda cu por haci entrega di e declaracion actualmente y parti mainta no tabatin luga di pone hende na Camacuri, despues di merdia a bay na San Nicolas y eynan no tabatin ningun hende, segun e empleado parti mainta si tabata druk. E vocero ta recomenda pa tur persona cu tin obligacion pa yena esaki pa haci entrega di e declaracion pa evita cu ta haya multa cual ta cuminsa for di 250 florin cu un maximo di 10 mil florin.