Ayera 16 di december Departamento di Impuesto a otorga e prome sticker di control pa vehiculo di motor 2016 na Minister di Financia y Organisacion Gubernamental.
Pa aña 2016 Departamento di Impuesto lo no otorga plachi di number nobo na momento cu paga e impuesto pa vehiculo di motor, cu excepcion di e motociclistanan cu si lo ricibi plachi nobo pa nan brommer.
E mesun plachinan di number di aña 2015 ta keda valido durante aña 2016. Como comprobante di pago di impuesto pa vehiculo di motor, nos clientenan lo ricibi un sticker. Ta importante pa menciona cu e control di comprobante di seguro ta keda valido prome cu otorga un sticker di control. Clientenan di Departamento di Impuesto por cuminsa paga impuesto pa vehiculo di motor 2016 entrante 16 di december
2015.
Pa cua plachi ta haya cua sticker?
Plachi A ful aña paga ta haya rondo berde
Plachi A pa pago di kwartaal rondo oranje
Tur otro plachi number ful aña vierkant berde
Tur otro plachi number kwartaal vierkant oranje
E comprobante di seguro lo keda wordo controla
Departamento ta keda controla e comprobante di seguro. Antes e control di seguro tabata tuma luga despues di paga e impuesto pa vehiculo di motor. Awor e control ta tuma luga prome cu haci e pago. Na e oficina principal na Camacuri esaki sosode na balie F1 te cu F4. Ora ta haci pago na un di e oficinanan di gobierno, e comprobante di seguro tambe wordo controla prome cu haci pago.E comprobante di seguro mester ta valido den 2016. E mester ta un polisa original of un copia cu stempel original di e compania di seguro.
Mas informacion
Por haya mas informacion tocante impuesto pa vehiculo di motor 2016 riba www.impuesto.aw. Tambe por manda un e-mail na: info@impuesto.aw.
Photo source: Noticia Cla
