(AP) – Den un declaracion nobo contra un di e companianan di tecnologia mas popular di mundo, e Departamento di Husticia Mericano ta acusando TikTok di a usa e habilidad di por reuni informacion di usuarionan basa riba nan videonan mira tocante problemanan social manera control di arma, aborto y religion.
Abogadonan di gobierno a skirbi den documentonan otorga diabierna laat den corte di apelacion federal na Washington cu TikTok y e compania doño na Beijing ByteDance a usa un sistema intenro yama Lark pa permiti e empleadonan di TikTok papia directamente cu ingenieronan di ByteDance na China.
Empleadonan di TikTok a usa Lark pa manda data sensitivo tocante usuarionan di Merca, informacion cu ta ser warda riba server Chines y ta accesibel na e empleadonan di ByteDance na China, segun oficialnan federal.
Un di Lark su hermentnan di buskeda interno, e documento ta acusa, ta permiti empleadonan di ByteDance y TikTok na ambos Merca y China tin acceso na informacion tocante e usuarionan su contenido of expresionnan, incluyendo nan opinion tocante e topiconan sensitivo menciona anteriormente. Aña pasa, Wall Street Journal a reprota cu TikTok a monitor usuarionan cu a mira contenido LGBTQ via un dashboard cu e compania desde e tempo aki a delete.
E documentonan nobo di corte ta representa e gobierno su prome defensa grandi den un bataya legal tocante e futuro di e plataforma popular, cual ta usa pa mas di 170 miyon Mericano. Bao un ley firma pa President Joe Biden na april, e compania por enfrenta un prohibicion den algun luna si e no kibra su lasonan cu ByteDance.
E medida a keda aproba cu sosten bipartisano despues cu autoridadnan y oficialnan di administracion a expresa preocupacion cu e autoridadnan Chines por obliga ByteDance entrega e data di usuarionan Mericano of cambia opinion publico tocante interes i Beijing pa medio di manipula e algoritmo cu e usuarionan ta mira.
“Rapportnan di inteligencia ta sigui demostra cu ByteDance y TikTok Global a tuma accion pa (como respuesta na gobierno Chines) censura contenido fuera di China,” Casey Blackburn, oficial di inteligencia Mericano a skirbi den un documento cu ta sostene e gobierno su argumentonan.
E Departamento di Hustiia a adverti, den termino fuerte, cu e potencial pa loke el a yama “manipulacion di contenido secreto” di e gobierno Chines, bisando cu e algoritmo por ser diseña pa mustra contenido cu e usuarionan ta ricibi.
“Pa medio di dirigi ByteDance of Tiktok pa manipula e algoritmo, China por, por ehempel, amplia su influencia maligno y amplia su esfuersonan pa kita e confiansa den nos democracia y empeora e division social,” e documento ta declara.
E preocupacion, segun Departamento di Husticia, ta mas cu teoretico den acusa cu TikTok y ByteDance su empleadonan ta eherce un practica yama “heating”, den cual cierto video ta ricibi mas promocion pa asina por tin un cierto cantidad di bista. Mientras cu esaki ta permiti Tiktok crea contenido popular y plama esaki mas ampliamente, oficialnan di Merca tambe por ser usa pa mal proposito.
E oficialnan federal ta pidiendo corte pa permiti un version protegi y confidencial di e documento legal, cual no ta accesibel na e dos compania.
“E prohibicion lo silencia 170 miyon Mericano su bos, violando e prome amienda,” Haureuk a bisa. “Manera nos a adverti anteriormente, e gobierno nunca a trece dilanti prueba di su acusacionnan, incluyendo ora cu Congreso a aproba e ley contra constitucion aki. Awe, un biaha mas, e gobierno ta tumando paso mientras nan ta sconde tras informacion secreto. Nos ta sigui cu tur confiansa cu nos lo sali victorioso for di corte.”
Den e version redacta di e documentonan di corte, e Departamento di Husticia a bisa cu otro herment a causa e supresion di contenido basa riba e uso di cierto palabranan. Cietro politica di e herment ta aplica na usuarionan di ByteDance na China, unda e compania ta opera un aplicacion similar yama Douyin cu ta cumpli cu Beijing su reglanan di censura estricto.
Sinembargo oficialnan di Departamento di Husticia a bisa cu otro politicanan posiblemente a ser aplica na usuarionan di TikTok fuera di China. TikTok ta investigando e existencia di e politicanan aki y si nan a yega di ser usa na Merca of alrededor di 2022 segun e oficialnan.
