FILE - Jack Smith, the Department of Justice's chief of the Public Integrity Section, poses for a photo at the Department of Justice in Washington, Aug. 24, 2010. Special counsel Jack Smith has subpoenaed officials in Wisconsin, Michigan, Arizona and Pennsylvania, asking for communications with or involving former President Donald Trump, his campaign aides and a list of allies involved in his efforts to try to overturn the results of the 2020 election. (AP Photo/Charles Dharapak, File)

(AP) — Consehero special, Jack Smith a manda yama oficialnan na Wisconsin, Michigan, Arizona y Pennsylvania, solicitando comunicacionnan cu of involucrando ex-presidente Donald Trump, su coordinadornan di campaña y un lista di aliadonan involucra den su esfuersonan pa purba di cancela e resultadonan di eleccion di 2020.

E solicitudnan, manda na condadonan di Milwaukee y Dane na Wisconsin; Wayne County, Michigan; Maricopa County, Arizona; y Allegheny County, Pennsylvania, ta e prome citacionnan conoci for di Smith, kende a keda nombra consehero special luna pasa door di Procurador General, Merrick Garland.

Smith ta supervisando e investigacion di Departamento di Husticia riba e presencia di documentonan clasifica na propiedad di Trump na Florida, como tambe aspectonan clave di un investigacion separa involucrando e incursion violento di e Capitol dia 6 di januari 2021, y e esfuersonan frantico di Trump pa keda na poder.

E citacionnan, prome reporta pa The Washington Post, ta e indicacion mas cla te awo cu trabao di Smith ta bay inclui un examinacion di electornan falso cu tabata parti di esfuersonan di Trump pa subverti e conteo y certificacion di eleccion.

Un vocero di Departamento di Husticia a nenga di duna comentario ayera.

Riba potret: consehero special Jack Smith.