Departamento di Aduana ta launch su website nobo www.douane.aw den compania di Minister di Financia, Director, Management Team y empleadonan ayera. Di e forma aki ta pone enfasis riba e importancia di innovacion y comunicacion.
E website nobo ta inclui informacion tanto pa publico como pa brokers y comerciante cu lo yuda e usuario compronde mas over di e trabounan di Departamento di Aduana.
Acceso leynan y documentonan
E website ta duna e usuario acceso na tur e leynan y formularionan di Aduana como tambe na e sistema di Asycuda via di e login Asycuda. Segun e vocero di Aduana Marilyn Orman Wout, e usuarionan, clientenan y partnernan por beneficia di un contenido visualmente mas atractivo, informacion up-to-date y structura unda ta splica diferente temanan cu ta straight-to-the point. Alabes nan ta encurasha publico pa sigui comunica cu e departamento via e forma digital mediante riba e website y e-mail adres info@douane.aw.
