(NLTimes)—Geert Wilder tin un luga principan den e programa di eleccion di partido DENK cu a ser publica diamars. Riba pagina cuatro di e documento, e lider di PVV a ser describi como encarcela cu e texto: severamente castiga odio contra Musulman. E mensahe ta parti di e dies “denkers” cortico, cu cual DENK ta habri e programa di eleccion. Un otro imagen ta di un adulto persiguiendo un mucha cu e texto: castra pedofilnan kimicamente, pakico no?
Otro posicionnan ta inclui haci compras pagabel atrobe, haci vivienda accesibel, y pa vehiculonan no ta “cash cow”*. DENK tambe ta kere cu e rey mester paga impuesto y cu ciudadanonan no mester haya impuesto adicional ora ta trata di cosnan manera carni, sucu of plastic.
Den e programa titula “Nu is het moment,” DENK ta skirbi cu e kier prohibi Zwarte Piet legalmente, aumenta e boet maximo pa ofensanan di discriminacion for di 9.000 pa 22.500 euro y pa e Famia Real paga 500 miyon euro “cu nan a gana for di e comercio y sclavitud di hende.”
Pa hobennan, e partido kier compensacion completo pa e debe di estudio pa e “generacion sin suerte” y pa e interes riba debe di estudio ser cambia pa 0%. Den e mercado di vivienda, e partido kier stimula asociacionnan di vivienda y limita aumento di huur. DENK kier Hulanda reconoce e estado Palestino y ta propone un tribunal di Israel “pa procesa esnan responsabel pa crimennan contra e Palestinonan.”
E partido ta asumi cu e lo tin “un presupuesto balansa” pa su plannan y lo tin e plannan calcula pa CPB.
