(AP) – Facebook ta lagando mensahenan di odio violento pasa door di nan control na Kenya, di mesun manera cu otro paisnan segun un reportahe nobo di gruponan Global Witness y Foxglove.
E ta e tercer test di e tipo aki unda cu ta test Facebook su habilidad di detecta mensahenan di odio, sea via inteligencia artificial of moderadornan humano, cu e gruponan a haci y e compania a fracasa.
E avisonan, cual e gruponan a entrega ambos den Ingles y Swahili, tabata tin mensahe di violencia y violacion. Nan tabata compara hende cu cabritonan y carnenan. Algun tabata hasta inclui palabranan vulgar y erornan gramatico. E avisonan den e idioma Swahili a logra pasa mucho mas facil door di Facebook su sistema di deteccion y e keda aproba pa publicacion.
Sinembargo, e avisonan Ingles, algun a keda rechasa prome pero solamente pa motibo cu nan tabata contene palabranan vulgar ademas di e mensahenan di odio. Na momento cu e palabranan vulgar a ser retira y a drecha e erornan gramatico, e avisonan cu te ainda tabata haci yamado pa violencia y tabatin mensahe di odio directo, a ser aproba sin ningun problema.
“Nos tabata sorprendi ora nos a mira nos avisonan keda rechasa pa prome biaha, pero nan no a ser rechasa pa e motibonan importante cu nos tabata kier pa nan ta,” Nienke Palstra di Global Witness a splica.
E avisonan nunca a ser publica riba Facebook. Sinembargo e hecho cu facilmente nan lo por a ser publica ta demostra cu apesar di nan a compromete nan mes cu nan lo haci un miho trabao, Meta aparentemente regularmente ta fracasa den e deteccion di mensahenan di odio y yamadonan pa violencia riba nan plataforma.
Global Witness a bisa cu nan a tuma contacto cu Meta despues cu nan aviso a keda acepta pa publicacion pero no a ricibi un respuesta. Riba diahuebs sinembargo, Global Witness a bisa cu nan a ricibi un respuesta anteriormente den juli pero esaki a ser perdi den e-mail. Meta tambe a confirma riba diahuebs cu nan a manda un contesta.
“Nos a tuma pasonan extensivo pa yuda nos gara e mensahenan di odio y contenido inflamatorio na Kenya, ademas nos ta intensificando e esfuersonan aki prome cu eleccionnan. Nos a dedica ekiponan di personanan cu ta papia e idioma Swahili y tecnologia proactivo den deteccion pa yuda nos deshaci di contenido dañino na un manera
Cada biaha Global Witness a somete aviso cu mensahenan di odio pa mira si Facebook su sistema lo gara esaki, e compania a fracasa den haci esaki. Na Myanmar, un di e avisonan a usa palabranan ofensivo pa referi na personanan di India y origen Musulman haciendo yamado pa nan asesinato. Na Etiopia, e avisonan tabata usa mensahenan pa haci yamado na e asesinato di personanan cu ta pertenece na Amhara, Oromo y Tigrayan.
Dicon aviso y no publicacionnan regular? Esaki ta pa motibo cu Meta ta bisa cu nan ta regula avisonan cu un sistema mucho mas “estricto” cu e publicacionnan regular y no paga segun e pagina di ayudo pa aviso.
