(CuraçaoChronicle) – Prome minister Gilmar Pisas a logra sigura sindicato di cuido di Salud CBV: Centro Medico Corsou (CMC) no ta bay bancarota.
Pero inmediatamente, el a agrega: “Mi a bisa esaki ultimo weekend pasobra nos tur mester evita bancarota. Mi declaracionnan ta pisa, pero ta e realidad, tecnicamente CMC ta bancarota. Mi ta bisa cosnan manera nan ta. Esaki ta causa inkietud entre personal, pashent y proveedor cu ta wardando pa nan placa pa hopi tempo. Pero nos por ta bayendo den e mesun direccion.”
E prome minister ademas ta splica cu ta bay discuti medidanan den Conseho di Minister e siman aki y cu ta bin un conferencia di prensa. Tin un acuerdo delinea cu CMC y management ya a firma, segun Pisas. Awo Gobernador ainda mester bay di acuerdo cu e propuesta pa Decreto Nacional.
Pisas ta bisa cu CMC ta di acuerdo cu e solucionnan riba papel. Cu autorisacion di Gobernador, mester resolve e problemanan “once and for all”. E recomendacionnan den e rapport di Autoridad Hulandes di Cuido di Salud (NZA) ta bay wordo cumpli literalmente.
E acuerdo delinea ta bay wordo discuti den Conseho di Minister, segun Pisas a bisa den sede di gobierno Forti tiki despues cu CBV a entreg’e un carta. E sindicato di cuido di salud ta sinti cu e prome minister mester duna mas splicacion despues di su declaracion weekend ultimo cu e hospital ta casi bancarota. “Esey a conduci na hopi inkietud, no solamente entre nos sostenedornan, personal di cuido di salud pero tambe e poblacion”, segun presidente di CBV, Annaliza Mathilda.
“Nos mester por mantene paz y a pidi e prome minister den nos carta pa take care di esaki. Pa nos, bancarota ta nifica cu e hospital realmente ta bay cera.” Mathilda a indica cu e ta satisfecho cu e contesta di e Prome Minister. A priminti cu CBV regularmente ta bay ta involucra durante e grupo di maneho y asina continua monitoriando e desaroyonan.
Mathilda: “E prome minister a indica cu e empleadonan no mester preocupa y cu e problemanan ta na un nivel diferente pa loke maneho y gobierno ta responsable.”
