ORANJESTAD – Te cu 2016 Aruba tabata haya 2 te cu 4 peticion pa aña y esaki a yega di wordo otorga. Na 2017 e cifra ey a subi pa 22 peticion, mientras cu 2018 a cera cu riba 300 peticion y, te cu dia awe, a yega e cantidad di henter aña pasa caba.
Esaki ta un cantidad hopi halto y uno hopi serio cu gobierno ta atendiendo cune. Prome mandatario ta bisa cu a instrui un team adicional 10 persona cu nos a saca afo di overtolligheidspool y cu actualmente ta den training pa asina pa cuminsamento di maart nan cuminsa atende cu e peticionnan aki.
Ta asina cu aña pasa tabata tin un hype, caminda cu hopi hende a entrega peticion di asilo manera amnistia y ainda esakinan ta pendiente paso cu no tabatin hende pa atende cu esakinan, pero esey tabat sin premira e aumento di peticion di asilo di e aña aki. E mandatario a bisa cu a pidi Hulanda asistencia pa asina entrena un otro grupo mas, pa motibo cu cada peticion di asilo, bo tin cu trata cu seriedad. E ta un procedura complica y cu tin su exigencianan rond di dje; bo tin cu cumpli cu nan si no bo ta den descumplimento cu tratadonan internacional y aki ta unda cu Aruba no kier yega.
Prome Minister Evelyn Wever-Croes a termina bisa cu: “E ciere di frontera tin mas consecuencia y Gobierno di Aruba ta trahando pa mitiga e efectonan y lo duna tur informacion asina cu nos tin tur confirmacion. Gobierno di Aruba no por haci nada pa e situacion interno di Venezuela”.
