(AP) – Bao e lusnan floresente di un klas na Lexington, Kentucky, Donnie Piercey a duna instruccion na su 23 studiante pa purba y gana y “robot” cu tabata trahando tareanan. E robot ta e herment di inteligencia artificial mas nobo, cual por genera tur cos for di verslag na presnetacion dentro di segundonan.
E tecnologia inicialmente a causa preocupacion den e docentenan y a causa cu districtonan escolar a dicidi di blokia acceso na e sitio web. Sinembargo Piercey a dicidi di actua di manera diferente pa medio di tuma esaki como un herment pa educa, bisando cu su trabao ta pa prepara studiantenan pa un mundo unda cu e cnocemento di AI lo ta un rekisito.
“Esaki ta e futuro.” Piercey a bisa, ken a describi ChatGPT como e tecnologia mas recien den su 17 aña dunando les cu a causa preocupacion pa cu e potencial cu e studiantenan ta haya di por cheat. E calculator, reviso di gramatica, Wikipedia, Google y Youtube tambe tabata mescos.
Awo tur e studiantenan tin Chromebook riba nan mesa. “Como docente, nos no a yega na e miho manera pa haicu so di inteligencia artificial ainda. Sinembargo e ta biniendo, sea cu nos kier of no.”
