Corte Supremo Hulandes a duna veredicto cu polis ta responsabel pa dañonan sufri pa victimanan di un tiramento mortal na un centro comercial Hulandes, pasobra nan a otorga un permiso di arma na e tirado, a pesar cu e persona tabatin un historia di problema mental.
E veredicto ayera di Corte Supremo ta confirma e decision anterior di e corte menor, cu polis tabata fout den otorga un licencia di arma na Tristan van der Vlis, pasobra e tabata conoci pa tin problema psicologico.
Van der Vlis a tira y mata seis persona y a herida 17 mas na un centro comercial na Alphen aan den Rijn dia 9 di april 2011, prome cu a mata su mes.
Polis a bisa den un declaracion cu e veredicto ‘tin posibel consecuencia riba con polis lo maneha aplicacion pa permiso pa arma den futuro’.
