Den Haag: Hulandes no lo actua lihe den asunto di refugiado Venezolano

Den Haag no lo interveni na Corsou den e contexto di e problemanan cu e refugiadonan Venezolano. E minister Raymond Knops di Interior y Relacionnan di reino a skirbi esaki como contesta di e pregunta di e parlamentarionan.

E intervencion di reino tocante e base di e Statuut ta e ultimo recurso. Segun Knops esaki ta e echo constitucional, pero tambe ta un cuestion di perspectiva legal. Segun e ministerio un intervencion tin consecuencianan administrativo y financiero di gran alcance, cu no ta facil di supervisa. E ta kere tal decision mester conta cu e apoyo suficiente den e gobierno di Reino.

Despues di e bishita na Corsou na januari ultimo, e miembronan di parlamento di e comite parlamentario permanente pa e relacionnan di reino a declara cu e condicionnan di e detencion di un refugiado Venezolano tabata inaceptabel. E condicionnan medico, sanitario y privacidad ta segun e politiconan , asina limita cu e situacion no ta digno pa e migrantenan cu ta permanece eynan pa mas cu dos luna.

Huicio
Knops a bisa anteriormente, cu den su opinion e rol di supervision di gobierno di Reino por activa mediante di un decision hudicial y mediante señalnan di organisacionnan local, internacional of no gubernamental.
E situacion den e detencion di stranheronan na Corsou ainda no a wordo husga pa un hues como ilegal. Knops ta reconoce cu varios organisacionnan a expresa nan preocupacionnan tocante di esaki. Knops a skirbi cu e señalnan aki ta reenforsa e conviccion di e gobierno Hulandes cu ta importante pa wak tur lo posible na 2020 pa garantisa cu e gobierno di Corsou lo converti e intencionnan pa mehora e condicionnan di detencion den implementacionnan di medidanan actual.

E minister sinembargo tin un golpi rond di su man. El a skirbi: “ Si e esfuersonan di Corsou ta conduci na resultadonan insuficiente, e ora ey cu tempo e gobierno di Reino por wak te cu e punto ta deseabel pa actua den e contexto mas amplio di Reino”. “ pa e momento”, Knops a skirbi, “ Ta preferibel pa logra e nivel desea di proteccion desea pa e Venezolanonan den e caminda actual di cooperacion mutuo entre e paisnan”.