Minister di Husticia di Reino Ferdinand Grapperhaus a declara cu lo pone 100 persona extra den e ‘narcobrigada’ nobo, un unidad policial special cu ta bay bringa contra criminalidad envolviendo droga. Tambe lo uza servicionan di inteligencia AIVD y MIVD pa persigui criminalnan den exterior.
Asina e minister ta confirma cu Buitenhof. E kier laga polis traha hunto cu FIOD (Fiscale Inlichtingen- en Opsporingsdienst), Servicio di Impuesto, Ministerio Publico, Marechaussee, Douane y mas pa ataca criminalidad envolviendo droga.
E 100 extra personanan lo bay traha den e cuadro aki. “Nos mester realisa cu nos mester inverti hopi den esaki”, e minister a bisa. Grapperhaus ta bisa ademas cu legislacion di privacidad ta haci persigui criminalnan dificil. Esey mester por otro, e minister ta haya. “Proteccion di privacidad no por bira un escudo cu criminalnan por uza. Nos lo bin cu un proyecto di ley conhuntamente cu Autoriteit Persoonsgegevens, cual lo bay duna e brigada mas poder”.
