Un dokter cu a realisa eutanasia riba un pashent cu demencia severo mester ser declara culpabel di asesinato, pero no a ricibi ningun castigo, esaki departamento di Ministerio Publico a bisa dialuna den e huicio di e dokter na Den Haag. Mientras cu no tin ningun duda di e bon intencion di e dokter, e señora mester tabata mas proactivo den papia cu e pashent tocante su deseo di muri, Fiscal a bisa den Corte.
E caso ta e prome di su tipo na Hulanda, ta centra riba un señora di 74 aña di edad cu a redacta un testament vital algun aña prome di su admision na su hogar di anciano y a declara regularmente cu e kier muri. “Esaki ta un caso cu a afecta full e pais y cu a dividi e pais”, e Fiscal a bisa. E dokter a bisa den Corte cu e señora a papia cu su persona tres biaha tocante su deseo pa muri, pero no tocante su testament di bida pa motibo cu e no por a corda nada di esaki.
Su memoria na corto y largo plaso a ser afecta y e no ta ni reconoce su casa mas, e dokter a bisa. E yiu muhe di e señora a duna un declaracion por escrito na Corte cu e no tabatin duda cu su mama tabata desea di muri. “E dokter a libera mi mama di e prizon mental cu el a caba aden”, e comunicado a bisa. Eutanasia pa personanan cu demencia severo ta raro y aña pasa dos caso a ser reporta.
Un total di 144 persona kende a haya nan mes den e prome etapanan di e enfermedad a ricibi eutanasia, den comparacion cu 12 un decada pasa. Eutanasia ta legal na Hulanda bou condicionnan stricto. Por ehempel, e pashent mester ta sufriendo di un dolor insoportabel y e dokter mester ta convenci cu e ta tumando un decision informa (informed choice). Tambe ta rekeri e opinion di un di dos dokter.
Desde cu e legislacion keda introduci na 2002, tin un serie di caso controversial, incluyendo un muhe cu a sufri di Tinnitus grave y un Alcoholico grave.
