(AP) – Un condena criminal por haci na e musica di R. Kelly loke añanan largo di acusacion no por a haci?

Ta poco probabel cu dialuna su momento di husticia, unda cu un hurado federal na New York a declara e cantante di 54 aña di edad culpabel di tur 9 cargo den e huicio pa trafico sexual, lo nifica hopi pa su fanaticonan, tumando na cuenta cu mayoria di e cosnan revela den e huicio nan tabata sa caba.

“E liñanan ya caba tabata marca,” Jem Aswad, editor di musica di Trade Publication Variety, ken tin 20 aña ta suplanta R. Kelly a bisa. “E hendenan cu ta bay tende R. Kelly su musica, lo sigui haci esaki. Mi no ta kere cu un veredicto unda cu ta declara su persona culpabel lo cambia esaki.”

Di tur manera, e hendenan cu ta boga pa husticia tin speransa cu e conviccion lo trece consciencia moral.

Tarana Burke, fundado di e movemento #MeToo, ta compronde con iresistibel e musica di R. Kelly ta pa e personanan cu tin aña largo caba ta tende canticanan manera “ignition,” pero a bisa tambe, “hende mester para un momento y pensa mas riba e mensahe cu esaki ta manda.”

“E generacion aki ta hopi cla tocante ken R. Kelly ta. E hobennan aki a trece dilanti, mira y acepta informacion unda cu e persona aki ta un criminal,” Burke a declara. “Y si nos no por combati nos gustonan personal, y deseo di baila na un cantica pa mehora e mensahe cu nos ta manda e muchanan aki, e ta yega un punto unda cu nos mester pone un liña.”

“Mi no kier apoya un persona cu lo causa e tipo di daño aki na mi comunidad. Mi ta urgi hende pa pensa riba esaki,” el a continua. “Di berdad e ta bal la pena?”

Kelly a logra evita consecuencia profesional den medio di decada largo di reporte di abuso sexual di muhenan y muchanan hoben, pero te hasta mucha, desde su matrimonio ilegal cu e cantante Aaliyah den aña 1994, tempo cu e tabatin solamente 15 na di edad, na un aresto den aña 2002 unda cu el a keda acusa di a graba su mes ta abusa di y orina riba un mucha muhe di 14 aña.

E era di #MeToo y e serie di aña 2019 “Surviving R. Kelly” a mira su musica baha di balor den servicionan di musica, y te hasta na e retiro di Kelly for di su compania, pero te ainda su musica ta permanece disponibel den varios caminda, y te ainda ta atrae miyones di persona ta scucha su cantica tur siman.

E ganador di Grammy, ken anteriormente tabata yama e Rey di R&B, tin ya caba varios album den status platino of multi platino. Su hitnan mas grandi ta inclui “I Believe I Can Fly” y “Bump N’ Grind.” Su canticanan tabata di un rango hopi amplio, di cantica explicito, na cantica romantico cu tabata popular den ambos club y na bruidnan.

E hendenan cu ken el a yega di traha ta personanan popular den e mundo di musica, incluyendo Jay-Z, Lady Gaga, Michael Jackson, Whitney Houston, Celine Dion, Quincy Jones, Toni Braxton y Janet Jackson.