Den 2020 Infraruba ta curasha pueblo pa sigui uza e plataforma

InfrAruba a informa tocante algun preparacion y maneho cu nan tin pa 2020. Tambe cu algun situacion cu persona ta duna keho di esaki y algun caso cu mester follow up.

Curtis Fraser, director di InfrAruba a duna di conoce tocante keho di peticion cu nan ta haya den sistema di e ministerio. Nan ta contento cu cos ta canando bon. Pa temporada di dianan di fiesta tabata menos activo mirando cu hende tabata riba vakantie.

Awo cu InfrAruba, cual ta cay bou ministerio di infrastructura, ta canando bek, nan ta trahando riba diferente keho pa asina por remedia e situacionnan den cual e kehonan a presenta. Pa barionan cu tin problema di caminda di asfalt, of por ehempel cu cacho den bario.

Pa e casonan di cacho riba caminda, ta biniendo cu un ley di cacho nobo pa asina atende cu nan. “Tambe teniendo cuenta cu e presupuesto pa aña, nos ta purba di wak cuanto por haci. E trabounan ta den comunicacion entre ministerio y DOW y mira te unda por yega.”

Pa esnan cu mester di solucion ainda, tin caso cu a resta na 2019 cu nan mester duna atencion y follow up. Manera auto cu ta keda para na un caminda, ta algo cu nan ta sigui den sistema pa atende cu nan.

Pa aña 2020 nan tin desaroyo sea pa cambio di clima, barionan cu ta den sistema di InfrAruba. Pa atende y alivia di tur locual tin, manera aña pasa cu tabatin e dump ilegal y a trata cu esaki conhuntamente cu Serlimar y Bureau City Inspector pa anuncia esaki pa publico.

Casonan cu tambe ta bin dilanti ta casnan bandona cu por trece peliger pa motibo di biento fuerte, articulonan por bula y haci daño. Cua ta e plan di parti di InfrAruba pa cu esaki? Fraser a contesta cu e prioridad ta keda den e ruta turistico y area di scolnan cu ta rond di e casnan bandona pa motibo cu studiante por haci cosnan menos bon.

Nan tin atencion pa tur caso y cosnan cu publico ta wak cu no ta bon. E participacion di pueblo ta importante, Fraser ta curasha publico pa en caso cu ta wak cualkier cos cu ta pasa rond nan por acerca nan departamento pa duna keho via nan website, cual ta ‘simpel y facil pa uza’.