(AP) – E esfuerso di ananan largo haci pa e estado y e Gobiernonan local den Merca di forsa e industria di farmaceutico yuda paga pa por coregi un addiccion di opioide nacional y un crisis di sobredosis cu a tuma un paso grandi riba diamars unda cu abogadonan di Gobierno local a anuncia nan ta den sigura un areglo di 26 biyon dollar cu e nacion su 3 companianan mas grandi di distribucion di droga medico y e trahado di medicina Johnson & Johnson.

Bao di e trato aki, Johnson & Johnson no lo por produci ningun opioide pa por lo menos un decada. Y AmerisourceBergen, Cardinal Health y McKesson lo comparti infromacion di prescripcion bao di un sistema nobo cu e intencion di para e avalancha di pildonan cu a yega den algun region un decada pasa.

Abogadonan di e Gobiernonan local aki a bisa cu den e dianan venidero mas detaye lo ser publica. Pero esaki no lo marca e final di e trato aki, cad estado lo tin 30 dia pa dicidi si nan ta agrega nan mes na e trato aki of no. Y e Gobiernonnan local lo tin 5 luna despues di esaki pa tuma decision. Si un gobierno opta di no participa, e cantidad total di e trato lo baha.

“Esaki ta un crisis nacional y e por a ta y mester a ta lidia caba talves pa otro departamentonan di e Gobierno” Paul Geller, un di e abogadonan principal den e caso representando Gobiernonan local alrededor di Merca a bisa den un conferencia di prensa cu reporteronan riba diamars. “Pero esaki en realidad ta un ehempel di e uso di litigacion pa drecha un problema nacional.”

Si e trato aki keda aproba, e trato lo bira un di e areglonan mas grandi entre hopi di nan haci pa cu e litigacion di opioide. Mientras cu e ta nifica biyones pa e abogadonan cu a traha riba e casonan aki, e ta premira di trece mas di 23 biyon dollar den intento di mitigacion pa yuda e tratamento di e personanan cu ta adicto na e opioidenan aki, hunto cu otro programanan cu ta lidia cu e crisis aki. E placa lo bin den 18 pago anual, cu e cantidadnan mas grandi den e ananan binidero.

E trato aki ta trece dilanti atrobe algo cu e companianan ta purbando di haci, tin biaha den publico, pa casi dos aña caba.

Johnson & Johnson a reitera den un declaracion cu e ta prepara pa contribui te hasta 5 biyon na e areglo nacional aki.

“Te ainda nos ta mira progreso den direccion di finalisa e acuerdo aki y te ainda nos ta permanece comprometi pa provee clarificacion y speransa na e personanan envolvi, y asistencia critico na e famianan y e comunidadnan cu ta den necesidad.” E compania a declara. “E acuerdo aki no ta un admision di culpabilidad ni di comete un eror, y e compania lo sigi defende contra cualkier litigacion cu e acuerdo final no ta resolve.”

Cardinal Health a nenga di comenta na comienso di diamars, y e otro companianan di distribucion no a responde na peticionnan di un comentario.

Un recuento di Associated Press ta haya cu tin por lo menos 40 biyon dollar den areglonan completa of proponi, gastonan penal y boetnan entre Gobiernonan y e peso di opioidenan desde aña 2007, no incluyendo esun entre e gobierno federal y trahado di OxyContyn Purdue Pharma den cual mayoria di e 8.3 biyon dollar lo a ser renuncia. Purdue ta purbando di yega na un acuerdo pa medio di un corte di bankarota cu por tin e balor di 10 biyon dollar den tempo. Un huicio cu ta planea pa tuma luga den augustus.

Otro tratonan tambe ta posibel. Mientras cu un grupo di companianan cu ta aumentando den e industria a logra sera algun trato, algun otro fabricante no, y ningun otro compania di farmaceutico a logra sera un acuerdo nacional.

Pero e cantidad total di acuerdonan ta hopi mas abao di e loke a calcula como e costo financiero di e epidemia. E Society of Actuaries a haya cu e costo di e crisis den Merca ta di 630 biyon dollar for di 2015 te cu 2018, cu mayoria di e costo aki biniendo du e sector priva. Y e White House Council of Economic Advisers, ora di considera e impacto economico di e personanan cu a sufri un sobredosis fatal, a pone e costo di un aña na casi 500 biyon nacionalmente.

Na diferencia di e acuerdonan yega pa motibo di tabaco den aña 1990, Gobiernonan a keda de acuerdo na gasta e placa cu nan a logra haya di acuerdonan relaciona cu e opioide den e tratamento y solucion di e crisis di opioide.

Den un declaracion hunto, e abogadonan general di Connecticut, Delaware, Florida, Louisiana. Massachusetts, New York, North Carolina, Ohio, Pennsylvania y Tennessee a bisa den e discusion di acuerdo cu e 4 companianan aki “potencialmente ta completando” y cu nan ta “ansioso di trese cas e dollarnan hopi necesita cas na nos estadonan pa yuda nos hendenan recupera di e adiccion na opioide aki, y pa fundamentalmente cambia e manera di traha y distribui pa esaki no bolbe pasa.

Aunke te ainda no ta mira opcion di con exactamente lo por logra haci esaki.