(AP) – Un demanda cu ta nombra Sean ‘Diddy’ Combs como co-sospechoso ta acusa cu su yiu homber Christian ‘King’ Combs a agredi un muhe cu tabata trahando riba un yate di su tata.
E demanda otorga diahuebs na Los Angeles Superior Court a bisa cu Sean Combs a crea e circunstancianan cu a caba na e agresion y a paga pa cubri esaki despues. Den e intancia mas recien di demandanan contra e productor di mal conducta sexual, e ta bini den medio di investigacion federal tocante contrabanda sexual cu a resulta den agentenan di Homeland Security haciendo un buskeda den su cas na Los Angeles y Miami siman pasa.
Grace O’Marcaigh, ken a traha como miembro di empleadonan y bartender riba e yate, a bisa cu den fin di december na aña 2022, Christian Combs a pone presion riba su persona pa bebe tequila cu e ta sospecha a ser mescla cu otro droganan. El a mishi su pecho y partinan priva prome cu el a purba forsa su persona haci sexo oral, e demanda ta acusa.
Aaron Dryer, abogado di Sean y Christian Combs, ta yama e demanda “uno sin merito.” “Nos lo otorga un mocion pa retira e acusacion aki,” Dryer a bisa den un declaracion.
Sean Combs, ken a usa e yate durante e vakantie di aña 2022, “tabatin control completo di e empleadonan” y a crea circunstancianan unda su agresion no solamente a ser tolera pero sino encurasha tambe. O’Marcaigh, ken tabatin 25 aña na e momento, a bisa cu ora Christian Combs di 24 aña a subi abordo laat un anochi, e tabata sumamente entoxica y a cuminsa presta atencion inapropia na su persona. El a bisa cu ambos tabata den un studio di grabacion abordo di e barco, unda producotr Rodney Jones, ken a pone su propio demanda den februari, a ser bisa cu e mester keda disponibel 24/7 pa Sean Combs por traha riba su proximo album.
O’Marcaigh a conta cu Christian Combs tabata insistente cu e mester bebe e shot di tequila y el a bebe esaki cu sentimento di obligacion. E demanda ta sigui acusa cu el a bira sumamente agresivo cune, violentamente garando su brasa mientras e tabata purba sali di e situacion y Combs tabata mishi cu su curpa. E bebida a haci cu tur cos a bira confuso demasiado lihe.
Microfon den e estudio, unda Jones a ser bisa pa captura tur cos, a graba nan encuentro y e demanda ta inclui un version por escrito unda O’Marcaigh ta exigi pa Christian Combs top di mishi cune. Tambe el a sigui e agresion den e cinema di e yate, cual tabata ser usa como un area pa drumi y unda e tabata purbando di drumi pa motibo cu tur otro camber tabata tuma, prome cu otro miembro di empleadonan a aparece y Combs a stop.
Segun O’Marcaigh, el a conta e yate su capitan tocante e agresion e siguiente mainta pero ta bisa cu despues Combs a duna e capitan un suma grandi di placa e mesun dia y e capitan no a investiga of tuma ningun accion. Eventualmente, O’Marcaigh a ser despedi y desde e tempo aki no por haya trabao den e industria di musica unda e tabatin plan di crea un carera. E ta bisa cu desde 2022, e ta sufri di trauma emocional severo.
Varios demanda a trece critica publico na e magnate den negoshi y musica, cuminsando cu un demanda den november di su ex pareha y protegi, Cassie, ken a acusa añanan di abuso sexual, incluyendo violacion. E demanda aki a yega un areglo e siguiente dia.
