(NLTimes) – Compania di seguridad Checo, Avast, ta siendo demanda den un demanda colectivo. E demandantenan ta inclui CUIC Foundation (Consumidornan Uni den Corte), cooperando cu organisacion di derechonan civil Privacy First, segun AD a reporta. E compania, conoci pa su software di antivirus, ta acusa di bende data sensitivo di miyones di usuario Hulandes durante varios aña.

E demanda colectivo ta bin for di un caso cu a hala atencion prome na 2019. A keda revela cu Avast tabata colectando data sensitivo di usuarionan pa añas, incluyendo buskeda di Google, ubicacion, compras online, video mira riba YouTube y historia di browsing.

“Mundo a bolter. Bo ta instala un programa di antivirus pa protege bo computer, y a cambio, e ta spiona riba bo. Nos ta considera esaki un scandal enorme,” un vocero pa CUIC a bisa e noticiero.

E data colecta a ser bendi a traves di subsidiario di Avast, Jumpshot. E data aki a ser cumpra pa corporacionnan grandi, incluyendo Google, Microsoft, Yelp y Pepsi. E companianan aki a paga miyones pa acceso na setnan di data cu lo permiti nan haya un bista detaya den e comportamento online di usuarionan.

Durante ultimo añanan, software di Avast, cu ta inclui Avast Secure Browser, AVG Secure Browser y AVG Online Security, a ser usa pa mas di 400 miyon persona na mundo. Esaki ta inclui como cinco miyon hende na Hulanda.

Mayoria software di Avast ta gratis, y a cambio usuarionan ta ricibi aviso. E termino y condicionnan a revela cu lo colecta historia di browser di clientenan, pero cu lo anonimisa e data pa preserva privacidad. Sinembargo, expertonan ta disputa e declaracion aki, mustrando cu e data ta vincula na un ID unico pa cada aparato, haciendo e posible pa mara e comportamento di browsing back na usuarionan individual.

CUIC Foundation ta particularmente asombra cu Avast, un proveedor di antivirus diseña pa ofrece seguridad na usuarionan, tabata involucra den bende data di usuario pa gana placa. “Esey ta simplemente robo. Ta manera laga un amigo bin keda cerca bo, y despues nan ta horta tur bo posesionnan valioso mientras bo ta drumi. Nos no mester considera esaki normal. Ta ora pa marca e linea,” vocero di CUIC a bisa.

Mientras cu Avast a stop e benta di data di usuario na januari 2020 y a duna un disculpa, e CUIC Foundation a insisti cu e clientenan cu a bira victima merece compensacion pa nan data horta. “Bisa sorry ta un cos, pero compensa clientenan pa nan data horta lo ta un bon señal,” segun presidente di CUIC Foundation, Wilmar Hendriks.

Ciudadanonan Hulandes cu a usa antivirus Avast of su extension di browser riba cualkier aparato entre 2015 y 2020 ta curasha pa registra pa compensacion. Registracion ta gratis. “Mas cliente uni, mayor chens tin cu Avast lo mester paga compensacion na usuarionan,” Hendriks a bisa.