Demanda buscando zona di proteccion pa orca den nort west Mericano

Un demanda nobo entrega dialuna na Merca ta busca pa establece un zona di proteccion di bayena pa orcanan den peliger den nort west Pacifico.

E Centro pa Diversidad Biologico y e Aliansa Ciudadano pa Alivio di Orca a demanda NOAA Fisheries den un corte di districto na Seattle, bisando cu e agencia a faya di actua riba un peticion entrega na 2016.

E peticion tabata busca prohibicion di barconan den un area di 26-31 km² west di San Juan Island, unda e orcanan, yama ‘southern resident killer whales’, ta alimenta for di april te cu september cada aña.

Investigadonan a bisa cu e bayenanan no a presenta na nan area di alimentacion usual den berano e aña aki, aparentemente pasobra nan presa preferi – Chinook salmon – ta hopi scars.

Canada ya caba a anuncia cu no lo permiti trafico maritimo for di juni te cu october den tres zona santuario den habitat alimentario di bayena, y bou peticion urgente di Gov. Jay Inslee su task force pa bayena, estado di Washington a adopta restriccion nobo rekeriendo botonan pa keda sikiera 274m leu di e animalnan.

Den un declaracion di vocero Michael Milstein, NOAA Fisheries a bisa cu e ta sostene e ya-caba existente zona ‘no-go’ boluntario, anuncia pa e Departamento di Pesca y Bida Salvahe estatal, cu ta extende 400m for di e costa west di San Juan Island.

E demanda ta busca pa e agencia contesta e peticion pa dia 19 di december proximo.
E bayenanan ta bringando scarsedad na Chinook, contaminacion y zonido di e barconan, cual defensornan ta bisa ta limita e echolocacion cu nan ta uza pa caza.

E Centro pa Investigacion di Bayena, cu ta monitor e orcanan, a anuncia e luna aki cu recientemente tres mas a disparce y ta asumi morto, hibando e poblacion na apenas 73 bayena – e cantidad mas abou desde mediado di añanan 1970, ora decenas a wordo captura pa parkenan marino rond mundo.

E demanda ta e di tres den ultimo aña cu e Centro pa Diversidad Biologico a entrega buscando miho proteccion pa bayena. E casonan anterior a busca pa expande habitat critico designa pa e bayenanan den awanan cerca di Washington, Oregon y California, unda e bayenanan ta na fin di herfst, winter y cuminsamento di berano, y pa sigura cu managernan di piscado di salmon den Pacifico minimisa nan impacto riba e bayenanan.

Como respuesta, gobierno federal a anuncia cu pa october lo propone un expansion di proteccion di habitat na costa Pacifico, y cu pa mei proximo lo duna un analisis actualisa tocante e grado na cual piscamento di salmon ta afectando e orcanan.