Polis Hulandes a aresta un homber na Delft bou sospecho di plania un of mas atake terorista na Iran, tambe un miembro di e organisacion terorista. E homber di 40 aña di edad di nacionalidad Irani, ta ser bisa cu e ta activo den un movimiento di lucha Arabe pa e liberacion di Ahvaz, cu ta respalda e independencia di region sur oester di Ahavz rico den petroleo. ASMLA ta clasifica como un organisacion terorista pa Iran, pero no pa EU.
Polis a confisca telefonnan y otro ekiponan di e cas di e homber y tambe rista su oficina na Rijswijk, cerca di Den Haag esaki ta segun e un comunicado di Ministerio Publico. E operacion a ser realisa pa polis di Dinamarca y e arestonan tambe a ser realisa na Dinamarca, e departamento di Ministerio Publico a bisa. Segun media di Dinamarca tres Irani a ser aresta y acusa di spiona den nomber di Saudi Arabia enter 2012 y 2018. Tambe nan ta ser acusa o apoya un atake lidera pa ASMLA den un desfile militar na september di 2018 na unda cu 25 persona a muri. Ma 2017 e lider di ASMLA Ahmad Mola Nissi a ser asesina pa tiro na Den Haag.
