Recientemente Representacion di Hulanda na Willemstad a ricibi bishita di un delegacion cu ta representa comunidad di LGBTQ na Corsou. E bishita a tuma luga den cuadro di e mocion den Eerste Kamer di e parlamento di Hulanda di e miembro Boris Dittrich (D66). Dittrich ta haci un yamada na gobierno di Hulanda pa averigua kico e posibilidatnan ta na e tres paisnan Caribense den Reino pa matrimonio di e mesun sexo; un posibilidad cu na Hulanda ya ta hancra den lei y den practica.
E delegacion cu a bishita Representacion di Hulanda na Willemstad, a comparti hopi conocemento y pensamento di entre otro casonan den corte, e status di e ley na Corsou y problemanan practico cu personanan di e mesun sexo ta enfrenta riba tereno di adopcion, cuido medico y mucho mas pa motibo di falta di reglamento corecto. Lo bay comparti e conocemento y pensamento – cu e oficinanan di Representacion di Hulanda na Aruba y Sint Maarten tambe lo colecta – cu e ministerio di Asuntonan Interno y di Relacionnan den Reino. Ta haci uso di esaki pa un reaccion riba e compromiso di e gobierno di Hulanda, cu despues di reces lo manda pa Eerste Kamer.
