Deficit di Gobierno a bira surplus den prome kwartaal di 2023; Pero gasto di gobierno a aumenta

Den su Quarterly Bulletin mas recien pa 2023, publica e luna aki, Banco Central di Aruba a nota cu e deficit di gobierno a bira surplus den prome kwartaal, na mes momento cu gasto total di gobierno tambe a aumenta cu Afl. 20 miyon principalmente pa aumento den salario y bienes y servicio.

E deficit financiero di gobierno di Afl. 52.0 miyon den prome kwartaal di 2022 a converti den un surplus di Afl. 16.9 miyon den e kwartaal bao revision (mira Chart 1 y Table 1). Gobierno a registra Afl. 5,763.2 miyon den debe pendiente na fin di maart 2023, i.e. Afl. 249.8 miyon menos cu fin di maart 2022.

Operacionnan financiero

E entrada total di gobierno a expande cu Afl. 88.0 miyon na Afl. 359.2 miyon den prome kwartaal di 2023 compara cu e prome kwartaal di 2022 (mira Chart 2 y Table 2).

E crecemento aki a resulta di aumento den entrada di impuesto como tambe entrada no di impuesto, di Afl. 73.6 miyon y Afl. 14.4 miyon respectivamente. E aumento den entrada di impuesto tabata principalmente pa motibo di BBO (+Afl. 24.4 miyon), hotel room tax (+Afl. 14.0 miyon), invoerrechten (+Afl. 11.1 miyon), inkomstenbelasting (+Afl. 10.2 miyon), loonbelasting(+Afl. 8.0 miyon), y valuatabelasting (+Afl. 6.7 miyon).

Den contraste, entrada for di accijns riba tabaco (-Afl. 4.8 miyon) y impuesto di transferencia (-Afl. 4.6 miyon) a mira reduccion.

Gasto total di gobierno a aumenta cu Afl. 20.2 miyon na Afl. 339.9 miyon den prome kwartaal di 2023, compara cu e mesun kwartaal di 2022. E aumento a resulta principalmente for di gasto mas halto riba subsidio di salario (+Afl. 13.5 miyon), bienes y servicio (+Afl. 8.3 miyon), interes (+Afl. 3.3 miyon), ay salario (+Afl. 2.8 miyon). Den contraste, a mira un reduccion den transferencia y subsidio (-Afl. 10.1 miyon).

E gasto di gobierno relaciona cu salario a aumenta cu Afl. 18.0 miyon na Afl. 146.9 miyon den e kwartaal cu a evalua, principalmente pa motibo di un aumento den subsidio di salario (+13.5 miyon). Den prome kwartaal di 2023, e proporcion di gasto relaciona cu salario respecto e ingreso total pa impuesto a registra un disminucion di 6.2 punto porcentual, alcansando e 43.4 porciento, compara cu e 51.6 porciento di e prome trimester di e aña anterior (mira Chart 3 y Table 3).

Debe pendiente

E debe total pendiente di gobierno a cay cu Afl. 249.8 miyon of 4.2 porciento na Afl. 5,763.2 miyon pa fin di maart 2023, compara cu fin di maart 2022 (mira Chart 4 y Table 4). E reduccion aki a resulta for di menos debe esterno (-Afl. 302.9 miyon) y debe domestico mas halto (+Afl. 53.1 miyon).

E caida den debe externo a resulta principalmente for di reduccion den reclamonan di Merca y otro paisnan pa Afl. 179.6 miyon y Afl. 119.6 miyon, respectivamente. E aumento den debe interno ta debi na un endeudamento negociable mayor di Afl. 76.4 miyon y menos debe no-negociable di Afl. 23.3 miyon. E aumento den debe negociable ta atribui na un aumento den bono di gobierno di Afl. 76.4 miyon.

E reduccion di debe no-negociable ta debi na un disminucion den debe a largo plaso no-negociable di Afl. 41.3 miyon, debi principalmente na e disminucion den prestamo priva (-Afl. 35.4 miyon).

Den contraste, e debe a corto plaso no-negociable a aumenta den Afl. 18.0 miyon, principalmente debi na aumento den otro prestamo a corto plaso (+Afl. 24.2 miyon).