Recientemente, Corte a presenta su Informe Anual. Manera tabata di spera, tema di e Informe Anual di Corte tabata ‘poder hudicial y pandemia’. Aña 2020 tabata domina pa pandemia di Covid-19. Esaki tambe tabatin consecuencia riba poder hudicial. Igualmente, e reporte a destaca e ‘Caribisacion’ di corte, y e pasonan cu ta tumando pa inclui mas hues di descendencia local.

Na 2020, Corte a continua implementando medidanan cu meta di atrae mas huesnan di origen local dentro di e marco di politica di Caribe. Na 2020, un raio tabata den training y un secretario di corte den corte na Bonaire a cuminsa training raio. Ambos na Corsou.

Na 2020, tambe a recluta raio’s nobo, y e comite di seleccion di raio a selecta un candidato. Di acuerdo cu politica di Corte, ta duna RAs e oportunidad di sigui curso na comienso y durante training na Stichting Studiecentrum Rechtspleging na Hulanda, e instituto di training pa Servicio Hudicial y Fiscalia. E regulacionnan di training nobo adopta pa e reunion di Corte na 2019 a drenta na vigor. Actualmente, alrededor di 50% di e cantidad total di hues na Corte ta di descendencia local.

Un di e huesnan nobo ta Jane Jansen. El a wordo nombra como miembro di Corte na comienso di 2019. El a nace y crece na Aruba, e hues na prome instancia ta encarga di asuntonan fiscal (incluyendo tambe derechonan di aduana) di BES, Sint Maarten, Corsou y Aruba. Tambe Jansen ta actua como hues di instruccion (derecho penal) na Aruba. Den su prome aña como hues (no-fiscal) tambe el a practica derecho administrativo.

Jane gusta desafionan y a elabora un curriculum vitae extenso y interesante prome cu a nombr’e como hues. Jane a studia derecho fiscal na Universidad di Leiden. “Durante un sesion informativo tocante posibel opcionnan di estudio na VWO 4, mi a inspira riba Angel Bermudez, kende e tempo aya tabata inspector di Inspeccion Fiscal di Aruba, pa studia derecho fiscal. Tempo cu mi tabatin 18 aña di edad, mi a despedi di mi famia pa bay studia na Hulanda.”

Despues di completa su propedeuse, Jane, manera hopi studiante, a cuminsa duda su escogencia di estudio. Despues di un bishita na autoridadnan fiscal di Aruba, el a dicidi di continua su estudio. Sin duda esaki tabata un bon escogencia, ya cu semper e tabata encanta e tema di derecho tributario. “Maske semper mi ta interesa den derecho tributario, mi ta gusta desafia mi mes. Na 1994 mi a cuminsa mi carera na Aduana di Aruba. Mi no tabatin tanto conocemento di ley di aduana, pero mi por a cuminsa cu curso di estudio di ‘impuesto directo’. Na Aduana mi a resulta rapidamente den un puesto administrativo, siendo cu en realidad mi tabata kier involucra mi mes solamente den asuntonan legal. Na 1997, mi a pasa na Inspeccion Fiscal. Como inspector eynan mi a realisa casi exclusivamente un trabao sustantivo legal tributario durante varios aña. Despues di un breve liderazgo di team, mi a converti den hefe di servicio di Inspeccion Fiscal. Na e momento ey no tabata existi un Administracion Tributario manera awo, cu ta encarga di colecta y controla impuesto. Un di e miho y mas grandi proyectonan den cual mi a traha tabata reorganisacion di Administracion di Impuesto y Aduana. Esaki ta nifica integracion di Inspectie (heffing), Ontvanger (inning-invordering) y Belastingaccountantsdienst (controle). Tabata un gran momento! Mester a bin cu un structura organisativo nobo, crea un sostten pa esaki, y despues a implementa e structura nobo. Na 2005 mi a wordo nombra prome Hefe di Servicio di e Administracion Tributario Integra nobo, un organisacion di mas di 200 persona. Mi a hacie cu entusiasmo durante alrededor di 4 aña. Pero e sentimentonan pa mi ramo stima a bolbe aparece. Como gerente di Administracion di Impuesto y Aduana, mi no tabata por realisa ningun trabao profesional mas. Despues mi a cuminsa traha na Ernst & Young como asesor fiscal, prome na Corsou y despues na Aruba. Tabata un momento hopi educativo y dibertido, cu un aplicacion practico diferente.”

Y despues a yega su gran amor. Como resultado, Jane a muda na Hulanda na 2010. El a cuminsa traha como asesor huridico den sector fiscal di Corte na Den Haag. Despues di traha den West durante mas di 17 aña, e desafio tabata pa haci cu sistema fiscal Hulandes bolbe ta completamente ‘actualisa’. El a traha den Tribunal durante alrededor di 4 aña, e ultimo aña como abogado escritor.

Na 2014, e presidente di Corte e tempo ey, Evert Jan van der Poel, a pidi Jane converti den kwartiermaker pa introduccion di dos organo de facto pa husticia fiscal den parti Caribense di Reino. Na West, e Hunta di Apelacion di Asunto Tributario tabata, como unico organismo, encarga di husticia fiscal. E Conseho tabata integra pa huesnan fiscal Hulandes cu tabata bishita e islanan dos biaha pa aña pa atende e casonan. E proteccion legal tributario na West, por lo tanto, tabata hopi diferente di e proteccion legal tributario dna Hulanda, unda for di 2005, e hurisdiccion tributario tabata posibel den dos caso factual. Tambe tabata posibel un recurso di casacion dilanti Tribunal Supremo for di algun tempo atras.

For di dia 1 di januari 2015, hurisdiccion fiscal na Aruba tabata posibel den dos instancia de facto. Tiki despues a sigui na Bonaire (30 di juni 2015), Corsou (1 di januari 2016) y Sint Maarten (30 di april 2016). For di dia 1 di juli 2016, ta posibel pa interpone un recurso di casacion dilanti di Tribunal Supremo contra e decisionnan di e division fiscal di Tribunal Comun.

Despues di traha como kwartiermaker, Jane a traha durante un periodo breve como lider di e proyecto di reforma fiscal den Ministerio di Finanzas na Aruba. “Sinembargo, rapidamente a keda cla cu na e momento ey no tabatin sosten politico na Aruba pa un reforma tributario. Tabata un berdadero lastima, pasobra nos tabatin un gran team di experto cu, sin duda, lo a pone den marcha un sistema fiscal bastante solido.”

Na 2016, e Tribunal a habri un posicion di trabao pa un hues fiscal den practica (rio-training), y Jane a keda seleccion pa esaki. E formacion tabata di 2 aña y mey dividi den tres periodo: derecho fiscal na e islanan, derecho administrativo na Aruba, y derecho fiscal na Hulanda.

“Bo ta traha bao di un vergrootglas pa dos aña y mey. E combinacion di e produccion prescrito, e presion pa desempeña bo mes bon di manera consistente den tur area di trabao, e tiki tempo pa reflexion y evaluacion como un proceso continuo ta haci cu e capacitacion ta dificil”, Jane a bisa. “Mi ta hues durante dos aña y mi ta recorda momentonan hopi special. Un punto culminante absoluto tabata mi ceremonia di instalacion. Mi tabata hopi feliz cu mi mama por tabat’ey. E tabata gravemente malo durante mi formacion y mi a pensa cu e nunca lo bolbe mira e instalacion. Otro punto cu por destaca, relaciona cu mi profesion, ta e prome sentencia di Corte Supremo den un caso tributario ‘Caribense’ na juni 2018. Tambe e conclusion di Abogado General di Corte Supremo den un caso tributario cu mi a haci den prome instancia tabata algo hopi special pa mi.”

Jane ta pensa cu no por cansa di leynan fiscal. “E ta un area di derecho dinamico, tanto e derecho sustantivo como e derecho formal. Cu Corte Sumpremo como hues di mas alto, ta un deporte di prome nivel pa keda al tanto di desaroyonan den mi ramo. Loke ta haci mas interesante y varia ainda ta cu, hunto cu un colega, mi ta a cargo di e hurisdiccion fiscal di islanan BES, Corsou, Sint Maarten y Aruba.” Jane a cana un caminda largo y a adkeri hopi experiencia prome cu a wordo nombra como hues. “Si mi por a hacie di nobo, mi no lo opta pa un comienso mas trempan den poder hudicial. E ora ey mi no lo a experimenta tur e conocemento y experiencia cu mi a adkiri den mi carera pafo di tribunalnan! Den palabranan di e gran filosofo Plato, mi lo bisa: “Un bon hues no mester ta demasiado hoben; Miho e ta algo mayor y tin experiencia cu inhusticia!”