(NLTimes) – E ciudad di Rotterdam te ainda no a tuma un decision tocante e brug Koningshaven, miho conoci como De Hef y si lo desmantela esaki of no pa CEO anterior di Amazon Jeff Bezos su yate por pasa door di esaki segun Ahmed Aboutaleb a conta AD.
E ciudad te ainda no a ricibi un aplicacion pa permiso, el a revela.
Noticia tocante e plan cu e ciudad tin di desmantela e monumento nacional pa e homber mas rico mundialmente por pasa su yate door di esaki a causa inkietud y disgusto anteriormente e siman aki. Bezos a pidi e yate di e compania na Alblasserdam, Oceano. E yate, cual tin e nomber Y721 ta 127 meter largo haciendo cu esaki ta e di dos yate mas grandi mundialmente. E yate su grandura tambe ta haci cu e no por fit bao di e brug De Hef, pa motibo aki e plan ta di desmantela esaki temporalmente.
Riba diaranson, Marcel Walravens, e punto di contacto dentro di e municipalidad pa asuntonan cu ta concerni De Hef a conta noticiero Rijnmond cu e ciudad a ricibi un peticion pa desmantela e brug y cu lo acepta esaki. El a bisa cu Oceano y Bezos lo cubri e costonan di e operacion.
Mas segun Aboutaleb, esaki no ta e caso. No a ricibi ningun aplicacion pa permiso ainda, y na momento cu esaki ser aplica, e ciudad lo mester pone e interesnan den balansa prome cu nan tuma un decision.
“E imagen economico, y specialmente maritimo den nos region, y te hasta e imagen tecnico, e ta posibel pa haci esaki sin sufri ningun daño?. Tambe nos lo kier sa si en berdad e cliente no cubri e costonan pa haci esaki.”
