Mirando medida cu gobierno di Aruba a tuma te cu 31 di maart pa preveni expansion di coronavirus, hende a cuminsa puntra, si situacion no mehora kico lo pasa cu e temporada di campamento, cu ta un siman cu varios persona ta biaha afo of bay campa?
Liliana Rasmijn, vocero di cuerpo policial, a informa cu e temporada di campamento ta pendiente di e desaroyo cu lo mester tuma luga te cu 31 di maart. Ta conoci cu e dianan di campamento ta cuminsa 5 di april y mester warda con e situacion lo bay ‘dia pa dia’, pa evalua ki sorto di medida lo tuma of no relaciona cu campamento.
E ora lo mester ta en conexion cu DIP, DOW y KPA pa wak kico ta pasa, pero te ainda no a cay pa esey. “No por duna un contesta, mirando cu tin entrega di permiso. Mester warda trankil y wak con desaroyo ta prome cu 5 di april”, el a bisa.
