Decenas di boet otorga na filmacion di video di influencer

Autoridadnan a pone un fin na filmacion di un video na un warehouse na Lijnden, un pueblo di Noord-Holland cerca di Schiphol, diahuebs anochi. Tur 66 persona presente a ricibi un boet pa viola reglanan di coronavirus, segun polis di Haarlemmermeer a bisa riba Facebook.

E filmacion tabata pa un video pa Famke Louise, segun AD. E hoben influencer a gana fama aña pasa despues cu e y otro celebridadnan Hulandes a post videonan riba rednan social bisando cu nan no lo cumpli cu reglanan di coronavirus mas. Despues el a aparece den un talk show cu dokter di cuido intensivo, Diederik Gommers, durante cual Gommers cu calma y elocuencia a destrui tur argumento di Louise contra reglanan di Covid.

Polis no a confirma cu Louise tabata involucra den e filmacion di e video, pero su paginanan di rednan social ta indica esaki, segun e corant.