(AP) — E debut hopi anticipa di Caitlin Clark den WNBA a produci apuestanan record, hopi mas grandi cu e cantidad di placa cu a hunga den e wega final pa campeonato di e liga aña pasa.
Bets tabata seis biaha mas halto na Ceasars Sportsbook riba e perdida 92-71 di Indiana Fever contra e Connecticut Sun riba diamars anochi cu Wega Cuatro di e victoria di Las Vegas Aces contra New York Liberty ultimo temporada.
E prome wega di temporada regular di Clark pa e Fever tambe tabata e wega cu mas apuesta na Ceasars riba cualkier wega di WNBA ultimo temporada.
Bet riba e wega a yuda duna impulso na e liga en general, cu e cantidad di ticket aumentando 516% na Ceasars durante anochi di apertura di aña pasa, y e cantidad di placa aumentando 84%.
“Cu e fluho enorme di talento den e draft di WNBA e aña aki agregando na un rikesa ya grandi di hungadornan veterano, e handle di WNBA e aña aki ta bay eclipsa tur loke nos a mira te awo,” segun Craig Mucklow, vice-presidente di trading di Ceasars. “Nos ta spera pa kibra record a base semanal y mas ainda ora e NBA Finals a caba y e wega femenino haya spotnan adicional den prime-time TV.”
E wega Fever-Sun tambe tabata e wega cu mas bet den historia di WNBA na BetMGM Sportsbook, maske cifranan specifico no tabata disponible inmediatamente.
Clark su over/under di 20.5 punto tabata e propuesta cu mas apuesta na e sportsbook en cuestion den WNBA y NBA. El a anota 20 punto, surpasando un start slow cu a inclui 10 turnover pa e wega.
Clark tabata e di dos sleccion mas popular entre homber y muhe durante ultimo siman riba e site di fantasia, PrizePicks. Solamente Anthony Edwards di Minnesota Timberwolves tabata dilanti di Clark, poniendo Clark dilanti di hungadornan manera Nikola Jokic, Shai Gilgeous-Alexander y Jayson Tatu,.
E cantidad di pick riba e site pa tur wega di WNBA tabata 185% mas halto cu anochi di apertura di aña pasa.
Tabata spera cu Clark lo eleva WNBA na halturanan nobo, similar cu loke el a haci durante ultimo dos aña den lidera Iowa na e wega di campeonato nacional den temporadanan consecutivo. Su estilo tabata un parti grandi den e aumento di interes den basketball femenino, cu Clark dispuesto pa shoot regularmente for di e logo di media cancha mientras el a bira e lider den anotacion di NCAA Division I den historia, durante su cuatro aña cu e Hawkeyes.
Fever a select’e cu e No.1 overall pick e aña aki, pero Indiana ta keda den modo di reconstruccion hasta cu Clark y campeon Rookie di Aña WNBA, Aliyah Boston. Sun a hunga den WNBA Finals apenas dos temporada atras, perdiendo cuatro wega contra e Aces. Nan a alcansa semi-final ultimo temporada prome cu perde cuatro wega contra Liberty.
“Decepciona y niun hende gusta perde, asina ta con e ta,” Clark a bisa despues di e perdida contra Sun. “No por basha bo mes demasiado pa un solo wega.”
