E deficit di Gobierno a subi considerablemente den e di dos kwartaal di 2020. E surplus financiero di 54.1 miyon florin cu tabatin den e di dos kwartaal di 2019 a bira un deficit di 301.1 miyon florin den e di dos kwartaal di 2020. Gobierno a registra un cantidad di 4.666,8 miyon florin na debe te na fin di juni 2020, cu ta 327.4 miyon mas cu na fin di 2019. Esaki segun un relato di Banco Central di Aruba.

Operacion financiero

Entrada total di Gobierno a baha significantemente cu 207.6 miyon florin na 202.4 miyon florin den e di dos kwartaal di 2020, compara cu e mesun periodo un aña prome. E caida ta resultado di reduccion den tanto entrada di belasting y tambe otro, cu ta 163.8 miyon y 43.8 miyon respectivamente. E caida den entrada di belasting ta debi na menos ingreso for di impuesto di ganashi, cu ta 50.6 miyon florin, e BBO, cu ta 26.9 miyon florin, tarifa di importacion cu ta 22.5 miyon florin, loonbelasting cu a baha cu 12.4 miyon florin y tambe grondbelasting cu a reduci cu 11.6 miyon florin.

Di otro banda, e gasto total di Gobierno a expande cu 148.4 miyon florin na 504.1 miyon florin den e di dos kwartaal di 2020, compara cu e mesun periodo na 2019. E aumento di gasto ta resultado di transferencia di fondo y subsidionan, cu a yega na 137.3 miyon florin, e transferencia di 26.2 miyon florin na AZV y gasto riba servicio y producto, cu a subi cu 10.9 miyon florin y reduccion di salario cu a baha cu 17.9 miyon y subsidio di salario cu a reduci cu 5 miyon florin.

Salarionan

E gasto salarial di Gobierno a baha cu 26.5 miyon te na 148.7 miyon florin compara cu e di dos kwartaal di 2019. Esaki ta debi na e reduccion den salario na un balor di 17.9 miyon, subsidio di salario, cu tambe a baha cu 4.9 miyon y e contribucion di dunado di trabou, cu a baha cu 3.7 miyon. Den e kwartaal analisa, a nota un incremento grandi pa loke ta e gastonan efectua den relacion cu e entrada total for di impuesto, di 30.9 punto di porciento te na 81.5 porciento., despues di e caida den entrada di belasting, cu a registra di 50.6 porciento den e mesun periodo na 2019.

Debe di Gobierno

Debe total di Gobierno a subi substancialmente cu 327.4 miyon florin cu ta 7.5 porciento, te na 4665.8 miyon na fin di juni 2020, compara cu fin di juni 2019. E aumento ta resultado di un crecemento den debe externo di 276.7 miyon como tambe un aumento den debe domestico di 50.6 miyon. E crecemento den debe domestico ta pa motibo di aumento den debenan negociabel como esnan cu no ta negociabel, cu ta 41.5 y 9.1 miyon respectivamente. E expansion di e debe negociabel pa motibo di aumento den schatkistpapier y certificado di prestamo, cu a keda compensa pa un caida den bononan na un balor di 91.5. E aumento den debe no-negociabel a resulta di un crecemento di debe no-negociabel a termino corto, na un balor di 9.2 miyon florin. E debe no-negociabel a termino largo a keda practicamente mesocs. E debe no-negociabel a termino corto a expande cu 8.0 miyon y un credito cu companianan a duna gobierno na un balor di 3.8 miyon florin, y nan a keda parcialmente mitiga debi na un compromiso mas abou a termino cortico na APFA, pa 2.6 miyon.

E crecemento den debe exterior ta consecuencia di e fianzanan cu Hulanda a duna pa motibo di e crisis di Covid. E suma aki na juni tabata di 199.7 miyon florin. E debe na otro pais tabata 176.5 miyon te na juni,