Un debate a tuma luga pa e ley cu ta prohibi tur aborto despues cu detecta un latido di curason. Legislado republicano kier agrega un excepcion pa casonan di violacion y incesto.

Pa mas cu dos decada, Nancy Mace no a papia publicamente di su violacion. Na april, ora finalmente el a kibra su silencio, el a haci esaki den e forum di mas publico – dilanti di su coleganan den legislacion na Sur Carolina. Un ley tabata wordo debati cu lo prohibi tur aborto despues cu e curason di e feto ta detecta; Mace, un legislado republicano, kier a añadi un excepcion pa violacion y incesto. Ora cu algun di su colega den senado a nenga nan amienda – algun muhe ta inventa violacion djis pa haya un aborto, nan a bisa – e no por a keda keto.

Mientras legislacion republicano un tras otro ta bay dilanti cu leynan restrictivo di aborto den lunanan recien, nan ta confronta cu testimonio emocional tocante e consecuencia di leynan asina. Legisladonan femenino y otro muhenan a bindilanti pa conta storianan personal – den algun caso papiando tocante atakenan pa prome biaha.

Mace ta contra aborto den mayoria di caso, y a sostene e ley di latido di curason tanten cu e ta contene un excepcion pa violacion y incesto. El a bisa cu su decision pa revela un atake cu a keda cune pa asina largo, tabata cu intencion di yuda legisladonan compronde e experiencia di e victimanan. “Violacion y incest no ta asuntonan partisano”, el a bisa.

Sinembargo, e storianan aki tin tiki efecto pa stop legislacion na Georgia, unda un legislado a papia di a haci un aborto despues di a wordo viola, of Alabama, unda e gobernador e siman aki a firma un ley prohibiendo tur aborto, a menos cu ta necesario pa salba bida di e mama.

Na Ohio, un ley di latido fetal a pasa, hasta despues cu tres legislado a papia tocante nan violacion – entre nan, rep. Lisa Sobecki, kende a argumenta pa un excepcion pa violacion door di recorda su propio violacion y subsecuente aborto.

Cuatro aña pasa, ora tabata debatiendo un ley di latido fetal, sen. Teresa Fedor a sorprende su coleganan cu un storia cu el a wordo viola den cuerpo militar, y a haci un aborto. El a sinti cu e mester a comparti e storia atrobe e aña aki. Sinembargo, e gobernador a firma e ley, sin excepcion pa violacion of incesto.

E siman aki, legislacion lidera pa republicano na Michigan a pasa dos ley cu lo restringi aborto y manda nan na gobernador. E gobernador awo, Whitmer, a bisa cu e lo veto tur dos.