KRALENDIJK – Ministerio Publico di Corsou ta investigando locual ta parce di ta un un deal dudoso entre aeropuerto di Boneiro y e desaroyado di e proyecto. E investigacion ta bin abase cu e comerciante Libanes-Boneriano lo a haya un tereno comercialmente atractivo na un prijs “di baca flaco”.
E aeropuerto di Boneiro cu ta hiba e nomber di Flamingo, ta den man di gobierno Hulandes. Na 2014 e comericante D. a haya 5 mil meter cuadra di tereno na dicho aeropuerto y e lo mester paga 6 mil euro pa aña pa 60 aña.
Locual cu ta trece duda ta cu e aeropuerto mes no a laga haci un taxatie (evaluacion) di e tereno, mientras cu un taxateur cu e comerciante a paga a balora e tereno na 100 mil euro. Segun informacion di Departamento di Impuesto di Caribe Hulandes, terenonan situa den mesun sector, pega cu esun ey, tin un balor di 450 pa 530 euro pa meter cuadra. Esaki nifica cu uzando e balor di e departamento di impuesto, e tereno cu e comerciante D. a haya lo tin un balor di 2,7 miyon euro (27 biaha mas hopi di locual el a haye).
Financiertamente e comerciante lo mester ta pagando 162 mil euro pa aña y no 6 mil manera cu e caso ta awo. Den un curso di 60 aña, nifica cu caha di gobierno Boneriano ta hibando un perdida di 10 miyon di euro. E comerciante mes a duna di conoce cu no tin nada straño ta pasando y cu e suma cu e la haya pa paga riba e erfpacht ta abase di maneho di e eilandbestuur di Boneiro.
No ta conoci ainda con leu Ministerio Publico di Corsou ta cu e caso aki.
Potret di ta e fuente nos.nl
