De Veer: lo reanuda Ecogas dentro 6 luna

E doño di Ecogas Eduardo de Veer ta informa cu lo reanuda operacion di Ecogas dentro di 6 luna. E ta admiti cu tin un problema awor cu e calidad di gas.

Nan a stop e operacion pa motibo cu no por a logra di baha e nivel di H2S. E acido aki, hydrogen sulfide of waterstofsulfide ta toxico cu ta duna un holo fuerte cu ta parce webonan putri. E ta algo cu pa basta lunanan habitantenan den bisindario tabata keha di dje.

Segun sr. De Veer e nivel den gas cu nan ta traha di sushi, a surpasa e 10% di H2S cual segun contracto cu nan a cera cu WEB no por. Segun Bon Dia Aruba e nivel tabata hopi mas halto cual WEB mester inverti extra placa pa anda cu e gas. Cual nan no a acepta. Awor Ecogas ta traha cu un experto pa yega na un solucion. Pasobra e plan ta, segun De Veer, pa dentro di 6 luna cuminsa cu e operacion bek pa produci. E ta remarca cu of nan ta produci gas pa consumo local of pa exporta.