(DutchNews) – De Rijksmuseum na Amsterdam a publica un fotografia di 717 gigapixel di Rembrandt su famoso Night Watch, haciendo cu por ‘zoom in’ riba particulanan chikito di pintura.
E imagen a ser crea usando 8,430 fotografia individual y e proyecto a ser describi como un “desafio increibel” pa Rob Erdmann, De Rijksmuseum su cientifico ken a arma e fotografia gigante.
E compilacion, segun e museo, ta e fotografia mas grandi y mas detaya di cualkier obra di arte, y ta 4 biaha mas cla cu esun anterior, cual De Rijksmuseum a publica mas o menos 18 luna pasa.
Actualmente e museo ta cera pa causa di coronavirus, pero e imagen a ser publica riba nan website pa asina tur hende por mira y disfruta di esaki.
Luna pasa, De Rijksmuseum a anuncia cu un investigacion di 2 aña y mey den Night Watch a trece dilanti informacionnan importante tocante e manera cu Rembrandt a traha, dañonan na e pintura durante aña y con pa restaura esaki.
E luna aki, e trabao lo cuminsa riba un intento cu lo dura 2 pa 3 luna, unda cu lo purba drecha deformacion den un skina di e potret, usando peso pa yuda haci e pintura mas plat.
