Pa 12:45am e prome baby di aña a nace. David Drozd Jr a pisa 2960 gram y ta midi 49 centimeter, su mama Tricia Drozd di 29 aña a bisa cu el a sosode hopi lihe.
Esaki ta su di dos yiu. Tabata un momento hopi alegre, unda cu e famia completo a bin pasa hunto cu e baby. Y mesora, a nombra e baby oficialmente como David Drozd Jr. Nan mes no a spera cu e baby lo tabata e baby di aña. Mama y tata di Tricia, a bin te for di St. Lucia pa asina t’ey pa conoce nan nieto.
Director di Hospital, Ezzard Cilie, tabata bishitando piso pa piso di hospital, ora cu el a bin conoce e baby di aña, David Drozd Jr.
El a comenta cu riba su mes, e ambiente tabata hopi nice y trankil. Basta ocupacion tambe na Spoed Eisende Hulp. Nan tabata hopi ocupa. Cilie a comenta cu e tin hopi suerte pa topa cu e prome baby di aña, cual hopi biaha no ta sosode tur ora. Normalmente nan ta nace te bay, pero e tabata tin e suerte y honor pa topa cu e “homber di aña”.
Ta un tipo di custumber cu ta haci, pa riba e dia aki pasa rond y cuminda tur hende. Spoed Eisende Hulp tabata hopi druk y tin casonan cu a capta atencion. Segun Cilie, algo cu pe ta representa nos cultura, no por laga e bebemento extremo un banda.
Cilie tin di compronde for di SEH, tur pashent cu ta drenta, cu no ta nada di emergencia, ta bay direct Huisartsenpost y no eynan. E enfoke mester ta riba trauma y casonan mas serio. Tin suficiente pa deal cu ne awor aki.
