(TMZ) – Dave Chapelle a causa rabia den varios cu ta forma parti di e comunidad Hudiu despues di su comentarionan tocante Israel, sinembargo un grupo cu ta boga pa nan ta extendiendo un man si e ta dispuesto pa papia.
Vocero di American Jewish Committee (AJC) Richard Hirschhaut a conta TMZ cu nan lo kier sinta cu Dave pa yuda su persona compronde dicon asina hopi hende ta disgusta y cua ta un miho manera pa e nabega e topico aki un proximo biaha. AJC, un organisacion global, a bisa cu Dave su prome intento di trata e topico di Israel y Palestina, durante un show siman pasa, no a sinta bon y a agrega cu “Dave Chapelle ta gaba su mes riba precision di lenguahe y claridad moral. Su comentarionan durante diabierna su show na TD Garden a fracasa den ambos area.”
Nan ta conta cu su condenacion inicial di Hamas tabata bon, pero e mester a caba ey. Segun AJC, “pa medio di critica Israel su atakenan den defensa y acusa Merca di yuda asesina personanan inocente, Chapelle ta pone e berdad parobes. No confundi, e asesinato di hendenan inocente ta exactamente loke Hamas a haci dia 7 di october.” Claramente, tin Palestinonan inocente cu a fayece a causa di esaki tambe, mientras cu e atake di Hamas a costa 1,400 bida inocente di Israel, e atakenan di Israel a bay cu 4,300 bida di Palestinonan caba.
En todo caso, AJC ta kere cu Dave mester ta mas preciso cu su lenguahe y tambe nan ta kere cu e mester sa miho na un momento asina critico. Segun nan, encurasha hende pa grita “libera Palestina” ta crea un ambiente hostil y peligroso pa personanan Hudiu, y si esaki pasa un biaha, mester puntra kico esaki ta nifica.” Den nan mente, e contesta ta obvio; Libera Palestina ta nifica elimina Israel.
Sinembargo, Richard a bisa cu su organisacion lo “duna bon bini na un oportunidad pa reuni cu Chapelle y su ekipo y purba profundisa su conocemento y comprendemento di e situacion actual y permiti su persona ta un fuente di luz.”
