(NLTimes) – Miles di persona basa na Hulanda cu a perde nan criptomoneda cu nan tabatin den Mt. Gox tambe a perde control di nan data personal. Un documento di incluyendo nan nomber y e cantidad di bitcoin cu nan tabatin den nan cartera di intercambio a leak riba varios website, segun Eline Ronner ken a produci e podcast di BNR, De koude crypto-oorlog.

Ronner su nomber tabata entre esunnan cu a leak. E file aki a inclui mas di 2,000 nomber, incluyendo negociantenan Hulandes, reporteronan, personanan cu antecedente criminal y nan criptomonedanan segun loke BNR a reporta. “Linknan pa download e data ta habri y exponi riba Reddit, pastebin y varios otro caminda,” Ronner a informa.

E compania di cambio Hapones, Mt. Gox a cuminsa cai den aña 20124 despues di varios aña unda a horta cantidadnan di bitcoin for di e cartera di bitcoin disponibel. Na su momento mas halto, e compania tabata trata mas di 2 tercer parti di e cambionan di bitcoin. Inicialmente a reporta cu mas o menos 850,000 bitcoin a disparce di e compania su pertenencia, incluyendo 750,000 cu ta pertenece na clientenan.

Esaki tabatin balor di mas di 345 miyon euro na e momento aki. Awe, e balor di esaki por ta cerca na 21.3 biyon euro. Eventualmente, e cambio a descubri 100,000 di e bitcoins perdi den un cartera bieu.

“Pronto despues di e caida di Mt. Gox, partinan di su base di dato a leak y te ainda por haya esaki riba cierto website,” Ronner a sigui splica. E podcast tin e meta di yega na algun di e criptomoneda perdi y e documentonan cu a leak for di e compania ta mustra cu e compania probablemente tabata bancarota prome cu 2014.

“E parti grandi di e bitcoin perdi a keda captura como parti di un hack. E ladronnan por a horta porcionnan relativamente chikito di bitcoin pa añanan largo sin cu ningun hende na MtGox a ripara.” E companai su ex doño, Mark Karpeles, probablemente no a horta e placa pero si mester ta culpabel di mal maneho, Ronner a continua.

“Esaki posiblemente ta e miho robo di bitcoin den historia.”

Mas o menos 23,000 cliente a otorga un peticion na e administradornan pa recupera nan fondonan perdi. Nan a bisa cu solamente un di 5 parti di e peticion total por keda paga, cual ta mas o menos 4 biyon euro segun loke BNR a reporta. E victimanan aki na Hulanda lo ricibi un pago solmente si nan a registra.