(NLTimes) – Ex-futbolista Hulandes, Danny Blind a keda nombra como e miembro mas nobo di hunta supervisor na club di futbol di Amsterdam, Ajax. E nombramento planea a keda anuncia anteriormente, y a keda formalisa durante un reunion di accionista na e Johan Cruiff Arena diaranson, segun e team.
Alex Kroess tambe a keda nombra formalmente como CEO di e club, efectivo 15 di maart.
E trabao di Blind como miembro di e hunta ta bay continua te al menos november 2027. Blind, 62, anteriormente a fungi como miembro di e hunta for di april 2018 te augustus 2021, ora el a retira pa bira assistent di manager Louis van Gaal cu e team nacional masculino di Hulanda. E team a alcansa e quart final di Mundial 2022 na Qatar, pero e perde den penalty contra Argentina.
Na Ajax, Blind ta bay reuni cu Van Gaal, kende tambe a keda nombra como consehero pa yuda den e problemanan recien di e team masculino na e club. Blind tin un historia largo cu Ajax. El a hunga den 493 partido y tabata capitan di e team.
Como hungador, e tabata den e team cu a gana e titulo di Champions League na 1995 y e UEFA Cup na 1992. E tambe a yuda Ajax gana cinco campeonato Eredivisie y cuatro torneo di Cup Hulandes. Tambe e tabata coach principal pa tiki mas cu un aña cuminsando na maart 2005, supervisando otro titulo di cup Hulandes.
Despues e tabatin un temporada breve, no exitoso como coach di team nacional masculino despues di Guus Hiddink cu a dura menos di dos aña. Blind no a logra trece Oranje ni na e Campeonato Europeo 2016 ni e Mundial 2018.
