Dama turista cu a hera hoga na Eagle Beach a fayece na hospital

Diaranson den careda di 11’or di mainta dilanti di Oceania Hotel na Eagle Beach personal di ambulance a keda despacha cu urgencia, caminda a haya un turista boca abou den lama.

E persona cu a haya e turista femenino boca abou den lama a saca e victima di biaha for di lama y a cuminsa cu e reanimacion, personal di ambulance a presenta basta lihe na e sitio y a cuminsa di biaha cu e reanimacion di e persona . Cu aparatonan special pa saca awa den casonan asina e paramediconan a traha y alabes a aplica tecnica di reanimacion, despues di algun intento a haya pulso.

E famianan y tur persona na e sitio a aplaudi e trabou profesional di e personal di ambulance pa nan intento cu nan a haci. A prepara e cama pa pone e victima riba dje y cu urgencia a bay cu e señora di nacionalidad Colombiano pa Hospital. A notifica personal di Ayudo na Victima di e caso pa presenta na Hospital topa cu e famia. Na hospital e señora no a logra recupera y a fayece. Dr Cooper a constata morto di e señora Colombiano