Un mama purbando di scapa bida di su famia den dianan di fiesta despues cu nan auto a cay den un ditch den caida di sneeuw pisa na Arizona, mester a cana 42Km pa 30 ora, come mata y bebe su mesun orina pa sostene su mes.
Karen Klein, profesor biologico di 46 aña di edad na Northampton Community College den ciudad di Bethlehem, Pennsylvania, tabata coriendo auto cu su famia rond Grand Canyon National Park na Arizona. Na dado momento, tabata tin un caida di sneeuw hopi pisa. E caminda principal pa yega e rim di e canyon parti panort ta cera durante winter. Famia Klein tabata uzando GPS cual a dirigi nan na careteranan mas den mondi. Mientras cu mas sneeuw a cay, e famia a dicidi di bira bek pero despues a cay den un ditch anto keda pega. Sin telefon, sin ningun hende cerca, sneeuw pisa cayendo riba nan, cu poco awa y cuminda, Karen a dicidi di sali bay busca ayudo. E dama a cana pa 30 ora largo anto topa cu un cabina na un parke cera unda cu el a drenta y desmaya di cansancio. Su yiu y casa a drumi den auto prome cu yega na tera mas halto pa haya coneccion di celular y yama pa ayudo. Oficialnan di Kane County
Sherrif Utah a topa cu Karen riba un cama den e cabina.
“E tabata un milager di pasco. Nos team ta contento. E cos aki por a bay hopi malo mes,” Jim Driscoll, deputado general di Coconino County Sheriff ta bisa.
Fuente: NEWS.AU
