Un dama ta wordo acusa di intento di homicidio den estado di Cleveland, Merca, despues cu el a solicita $131,400 den placa di seguro pa mata su casa. E plan aki a backfire riba e dama recien casa pasobra e ex casa di e homber ainda ta e beneficiario di e placa ey. Uloma Curry Walker, 45, por haya un castigo di bida den prizon pa e asesinato di Wiliam Walker na november 2013, kende e tabata tin cuater luna casa cu ne.
Den corte a bini pa dilanti cu Curry Walker tabata den situacion financiero hopi malo anto a pidi su yiu muhe di 17 aña e tempo ey hunto cu e guy di e hoben pa busca un hende pa mata su casa pa e por colecta e placa di seguro. Investigacion policial a constata cu su casa ainda no a cambia e nomber di e persona cu lo ta beneficiario di e placa aki, kende den e caso aki ainda tabata ex casa di Wiliam Walker.
Testimonio a mustra cu Curry-Walker a paga $1000 di downpayment pa comete e crimen. Wiliam Walker a wordo tira cuater biaha na su cas.
