(TMZ) – Dakota Johnson ta bisa cu e no lo participa den ningun proyecto similar na Madame Web, despues cu e pelicula no a logra mira e exito cu e tabata premira.
E actor a mantene su mes honesto tocante e pelicula y cu esaki no ta na su gusto, splicando Bustle cu e “tabata definitivamente un experiencia pa mi den crea e pelicula aki. Nunca mi a haci algo manera esaki prome. Probablemente nunca lo mi haci algo manera esaki atrobe pa motibo cu mi no ta pas den e mundo ey,” Dakota a expresa, agregando cu “e no ta sinti bon pa forma parti di un pelicula cu ta ser critica fuertemente, pero mi no por bisa cu mi no ta compronde e criticanan.”
Durante e combersacion el a revela dicon e pelicula a ser ricibi di e manera ey, splicando cu e actornan frecuentemente ta haya un imagen pa un tipo di proyecto, pero asina cu e grabacion cuminsa e ta bira algo cu ningun hende a spera. Esaki ta exactamente loke a pasa cu “Madame Web,” segun Dakota a splica.
Dakota tambe ta bisando cu e fracaso di e pelicula tin di haber cu e manera con e industria ta traha, splicando cu henter e proceso di crea un pelicula no ta algo bunita, sino un red complica di decisionnan haci pa comitenan, e audiencia no tin hopi informacion ni bista tocante e arte di crea un pelicula. Segun Johnson, e ehecutivonan a severamente subestima e audiencia cual ta haci su nan ta fracasa cu nan proyectonan den Hollywood, incluyendo esun aki.
E cifranan di Madame Web no ta gaña. E total pa e apertura di 6 dia incluyendo dianan festivo manera Valentines Day y Presidents Day apenas a yega 25,8 miyon domesticamente y a mira practicamente e mesun resultado globalmente. E tabata asina odia pa audiencia y criticonan cu te hasta Sydney Sweeney a haci chiste cu esaki durante su apertura di SNL bisando cu ningun hende a mira e pelicula.
