(NLTimes) – D66 a retira su blokeo contra un gabinete cu Christen Unie, maske kier negociacion cu e seis partido di e ‘centro amplio’ di Tweede Kamer prome. Esaki segun lider Sigrid Kaag durante un reunion cu miembronan di partido na Amsterdam.
Informateur Johan Remnkes ta bay reuni cu lidernan di VVD, D66, y CDA. Remkes ta investigando si por forma un coalicion di minoria, pero D66 no gusta e idea aki pasobra un coalicion asina lo ta instabil. Seis luna despues di eleccion, e proceso di formacion ta pega.
Si e negociacionnan entre VVD, CDA, PvdA, GroenLinks y ChristenUnie no duna resultado, D55 ta prepara tambe pa discuti continuacion di e coalicion actual cu ChristenUnie.
Si forma un coalicion diferente cu esun cu e seis partido aki, ‘e contenido mester ta asina bon cu por logra pa tur partido cu participa, por splik’e, y tin un bon storia pa e pais’.
Mita di luna pasa, Kaag a bisa cu e no kier goberna cu ChristenUnie atrobe. “Realmente mester ta diferente. Mester hacie cu un composicion diferente pa e gabinete, cu escogencia y prioridadnan diferente”, el a bisa den un entrevista cu AD.
VVD y CDA lo kier continua goberna cu ChristenUnie. Un gabinete cu solamente PvdA of GroenLinks tambe ta aceptable pa VVD y CDA, pero e dos partido iskierdista solamente kier join un gabinete hunto. VVD y CDA ta rechasa esaki.
Kaag a bisa diadomingo cu e tabata kier elimina e obstaculo den proceso di formacion. Su partido ta tumando nan responsabilidad, segun el a bisa, agregando cu Hulanda ta desespera pa un avance den e proceso di formacion. Tambe e ta mira cu tin contradiccion mayor entre e seis partido, pero nan ta dispuesto pa haci compromiso. Segun Kaag, esaki a bira aparente siman pasa durante e debate parlamentario riba presupuesto pa proximo aña.
